TSPSC: ఈ ఏడాది మార్చి నెలలో తెలంగాణ రాష్ట్ర ముఖ్యమంత్రి కేసీఆర్ అసెంబ్లీ సాక్షిగా లక్ష్య ఉద్యోగాలకు సంబంధించి సంచలన ప్రకటన చేయడం తెలిసిందే. దానికి తగ్గ రీతిలోనే తెలంగాణ రాష్ట్ర ప్రభుత్వం గత కొద్ది నెలల నుండి వరుస పెట్టి నోటిఫికేషన్ లు విడుదల చేస్తూ ఉంది. ఒక ఈ వారంలోనే మూడు నోటిఫికేషన్ లు రిలీజ్ చేయటం జరిగింది. తెలంగాణ రాష్ట్ర ప్రభుత్వానికి చెందిన ప్రభుత్వ బోధనసుపత్రులు మరియు మెడికల్ కాలేజీలో 1147 అసిస్టెంట్ పోస్టులు. ఇంకా రాష్ట్రంలోని డ్రగ్స్ కంట్రోల్ అడ్మినిస్ట్రేషన్ డిపార్ట్మెంట్ కి సంబంధించి 18 డ్రగ్ ఇన్స్పెక్టర్ పోస్ట్ ల భర్తీకి నోటిఫికేషన్. ప్రభుత్వ పాలిటెక్నిక్ కాలేజీల్లో.. 247 పాలిటెక్నిక్ లెక్చరర్ పోస్టుల భర్తీ నోటిఫికేషన్.
కాగా లేటెస్ట్ గా తెలంగాణ రాష్ట్రంలో 1392 జూనియర్ లెక్చరర్ పోస్టుల భర్తీకి TSPSC శుక్రవారం డిసెంబర్ 9వ తారీకు నోటిఫికేషన్ రిలీజ్ చేయడం జరిగింది. ఈ నోటిఫికేషన్ లో డిసెంబర్ 16వ తారీకు నుండి జనవరి 6 వరకు దరఖాస్తులు స్వీకరించినట్లు తెలిపింది. అంతేకాదు వచ్చే ఏడాది జూన్ లేదా జూలైలో రాత పరీక్షలు ఉండొచ్చని స్పష్టం చేసింది. తాజా నోటిఫికేషన్ లో మాథ్స్ లో 154, ఇంగ్లీష్ లో 153, జువాలజీలో 128, హిందీలో 117, కెమిస్ట్రీలో 113, ఫిజిక్స్ లో 112 లెక్చరర్ పోస్టులు ఖాళీగా ఉన్నాయి.
మరొక పక్క తెలంగాణ రాష్ట్రం ఏర్పడిన తర్వాత ఫస్ట్ టైం జూనియర్ లెక్చరర్ పోస్టుల భర్తీకి రాష్ట్ర ప్రభుత్వం నోటిఫికేషన్ విడుదల చేయటం గమనార్హం. దీంతో జూనియర్ లెక్చరర్ పోస్టులకు జరగబోయే పరీక్షకు భారీ ఎత్తున అభ్యర్థులు పోటీపడే అవకాశం కనిపిస్తుంది. వారంలోనే ఈ రీతిగా వరుస పెట్టి తెలంగాణ రాష్ట్ర ప్రభుత్వం నోటిఫికేషన్ లు విడుదల చేయటంతో నిరుద్యోగులు సంతోష పడుతున్నారు.