కబడ్డీ ఆడి యువకులను ఉత్సాహపర్చిన ఎమ్మెల్యే సీతక్క.. వీడియో వైరల్

సంక్రాంతి పండుగ వేళ గ్రామీణ ప్రాంతాల్లో వివిధ రకాల పోటీలు నిర్వహించడం జరుగుతుంటుంది. మహిళలకు ముగ్గుల పోటీలతో పాటు కబడ్డీ, క్రికెట్ తదితర పోటీలను నిర్వహించి నిర్వహకులు బహుమతులు అందజేస్తుంటారు. యువతీ యువకులు ఉత్సాహంగా ఈ పోటీల్లో పాల్గొంటుంటారు. గోదావరి జిల్లాల్లో మాత్రం కోడి పందెలు, పేకాట జోరుగా సాగుతుంటుంది. పోలీసుల హెచ్చరికలు, ఆంక్షలు ఉన్నా అక్కడక్కకడ పెద్ద ఎత్తున బరులు ఏర్పాటు చేసి కోడి పందేలను నిర్వహిస్తుంటారు. ప్రజా ప్రతినిధులు ఈ వేడుకల్లో పాల్గొంటుంటారు.

ఈ క్రమంలో తన సింప్లిసిటిటీతో ఎప్పుడూ ప్రజలతో మమేకమై ఉండి సీతక్కగా పాపులర్ అయిన ములుగు ఎమ్మెల్యే దనసరి అనసూయ తన నియోజకవర్గంలో సంక్రాంతి వేడుకలను పురస్కరించుకుని కబడ్డీ పోటీలను నిర్వహించారు. ఈ పోటీలకు హజరైన ఎమ్మెల్యే సీతక్క..స్వయంగా యువకులతో కబడ్డీ అడి క్రీడాకారులను ఉత్సాహపరిచారు.దీనికి సంబంధించిన వీడియో సోషల్ మీడియాలో వైరల్ అవుతోంది. ఈ సందర్బంగా ఏర్పాటు చేసిన కార్యక్రమంలో ఎమ్మెల్యే సీతక్క మాట్లడుతూ యువత దేశ భవిష్యత్తును మార్చుకోగలుగుతారన్నారు. యువత చెడు అలవాట్లకు బానిసలు కాకూడదని అన్నారు. యువతకు క్రీడలు వారి జీవితంలో భాగం కావాలనీ, తద్వారా వారు జీవితంలో ఒడిదుడుకులను బలంగా ఎదుర్కొంటారనీ పేర్కొన్నారు.

మావోయిస్టు పార్టీ నుండి బయటకు వచ్చిన సీతక్క టీడీపీ ద్వారా ప్రత్యక్ష రాజకీయాల్లోకి వచ్చారు. 2004 ఎన్నికల్లో టీడీపీ తరపున ములుగు అసెంబ్లీ నియోజకవర్గం నుండి పోటీ చేసిన సీతక్క ఓటమి పాలైయ్యారు. ఆ తర్వాత 2009 ఎన్నికల్లో టీడీపీ అభ్యర్ధిగా విజయం సాదించి తొలి సారి అసెంబ్లీలోకి ఎమ్మెల్యేగా అడుగు పెట్టారు. రాష్ట్ర విభజన అనంతరం 2014 ఎన్నికల్లో ఓటమి పాలైయ్యారు. ఆ తర్వాత టీడీపీన ివీడి కాంగ్రెస్ పార్టీలో చేరారు. 2018 ఎన్నికల్లో కాంగ్రెస్ పార్టీ నుండి ఎమ్మెల్యే గెలిచారు. ఎమ్మెల్యేగా ఉన్నా లేకున్నా నిత్యం ప్రజల్లో మమేకం అవుతూ తన కంటూ ప్రత్యేక గుర్తింపు పొందుతున్నారు.

ఏపిలో పెట్టుబడులు గత టీడీపీ హయాంలో కంటే వైసీపీ ప్రభుత్వంలోనే ఎక్కువ .. ఇదీ లెక్క

Youth can change the country future they need to be discipline and fit in life they should not get addicted to bad habits, sports should become part of their life so that they face ups and downs in life strongly. Organised Kabbadi tournament in my constituency. @RahulGandhi pic.twitter.com/RfMIRph3fc

— Danasari Seethakka (@seethakkaMLA) January 13, 2023

sharma somaraju Content Editor

See Full Bio