ఆదిత్య అలా ఎందుకు ఉన్నాడని రాధను నిలదీసిన సత్య..! దేవి బాధ ఆదిత్య తెలుసుకున్నాడా.!?

దేవి చెస్ టోర్నమెంట్ లో గెలిపించాలని ఆదిత్య రాత్రి పగలు నిద్ర లేకుండా తనకు ఆట నేర్పించాడు.. దేవి గెలిచిందని సంతోషంగా చెప్పాడు కానీ.. అక్కడి నుంచి వచ్చినప్పటి నుంచి అదోలా ఉంటున్నాడు ఆదిత్య.. ఆ విషయాన్ని అర్థం చేసుకున్న సత్య.. ఆదిత్య ఎందుకు అలా ఉన్నాడో తెలుసుకోవాలని రాధ దగ్గరకు వెళ్తుంది.. అక్క ఆదిత్య దేవి కాంపిటీషన్ లో గెలిచిందని నాకు ఆనందంగా ఫోన్ చేసి చెప్పాడు కానీ.. అక్కడి నుంచి వచ్చినప్పటి నుంచి ఎందుకో ముభావంగా ఉంటున్నాడు.. అక్కడ ఏమైనా జరిగిందా.!? బావగారు ఏమైనా ఆదిత్యను అన్నారా.. దేవి ఏమైనా అనిందా అని సత్య అడుగుతుంది.. అలాంటిది ఏమీ లేదు అని రాధ చెప్పి పంపించేస్తుంది..!

సత్య అలా వచ్చి అడిగిన వెంటనే లోలోపల బాధ పడుతుంది రాధ.. నేను నీ జీవితంలోకి ఎప్పటికీ రాను.. అందుకే కదా ఇంట్లో నుంచి వచ్చేసాను.. దేవిని ఆదిత్య కి దగ్గర చేసి మీకు దూరంగా ఉంటాను అని అనుకుంటుంది మనసులో.. దేవుడా ఎందుకు నా జీవితాన్ని ఇలా రాసవు.. ఇంట్లో నుంచి బయటకు వచ్చేటప్పుడు దేవి గురించి ఆలోచించలేదు.. ఇప్పుడు నేను ఏం తప్పు చేశానో నాకు తెలుస్తుంది అని బాధపడుతుంది.

ఆదిత్య ఎన్ని సార్లు ఫోన్ చేసినా రాధ ఫోన్ లిఫ్ట్ చేయదు.. ఎందుకు రాధ నా ఫోన్ లిఫ్ట్ చేయడం లేదు ఏమైంది అని ఆలోచిస్తూ ఉంటాడు.. అసలు విషయం ఏంటో తెలుసుకోవాలి అని ఆదిత్య స్కూల్ దగ్గర కు బయలుదేరతాడు.. దేవి అని ఆదిత్య పిలావగానే ఆఫీసర్ సార్ అని పిలుస్తుంది. ఇక ఆదిత్య దేవి ద్వారా నిజం తెలుసుకుంటాడ లేదా అనేది తరువాయి భాగంలో తెలుసుకుందాం..