ఆదిత్య దేవి వచ్చిందని పూజలో నుంచి లేచి వెళ్ళిపోయాడు.. ఆ విషయం సత్యను బాగా బాధ పెట్టింది.. ఆ తరువాత కూడా ఆదిత్య దేవి గురించి ఆలోచిస్తూనే ఉన్నాడు.. ఈ విషయం గమనించిన సత్య రాధ దగ్గరకు వెళ్లాలి అని అనుకుంది.. అక్క ఆదిత్య ఎందుకో నిన్న దేవిని కలిసి వచ్చినప్పుడు నుంచి బాధపడుతున్నాడు.. నీవల్ల కానీ దేవి వల్ల కానీ ఆదిత్య కు ఏమైనా బాధ కలిగిందా అని అడుగుతుంది సత్య.. లేదు సత్య అలాంటిది ఏమీ లేదు అని అంటుంది రాధ..
నిన్న ఇంట్లో అందరం కలిసి వరలక్ష్మీ వ్రతం చేసాము.. ఆదిత్య కూడా పూజలో కూర్చున్నాడు.. దేవి వచ్చిందని ఆదిత్య పూజ మధ్యలో నుంచి లేచి వచ్చేసాడు.. వరలక్ష్మి వ్రతం చేసిన ఆడవాళ్లు తన భర్తకు కాళ్లకు మొక్కి ఆశీర్వాదం తీసుకుంటేనే కదా ఆ వ్రతం పూర్తవుతుంది.. ఆదిత్య కోసం నేను వ్రతం చేస్తున్నానని తెలుసు.. దేవి వచ్చిందని వెళ్ళిపోయాడు.. ఆ తర్వాత వెంటనే నన్ను దీవించడానికి ఇంటికి రాలేదు.. రాత్రికి ఎప్పుడో వచ్చాడు కానీ తను ఇంట్లో అసలు ఏమీ జరగనట్టే అలా ఉన్నాడు.. నిన్న ఆదిత్య దేవీని కలిసినప్పుడు ఏమైనా గొడవ జరిగిందా అక్క అని సత్య అంటుంది.. నా మనసులో ఉన్న బాధలో నీకు తప్ప ఇంకెవరికీ చెప్పకుంటాను అక్క.. ఆదిత్య ఈ మధ్య నన్ను పట్టించుకోవడం కూడా లేదు.. నాకు చాలా బాధగా ఉంది అని సత్య తన మనసులో ఉన్న వేదనను తన అక్క రాధ తో పంచుకుంటుంది..
భాగ్యమ్మ ఇంటికి దేవుడమ్మ వస్తుంది. ఏంది తల్లి ఇట్టా వచ్చినావు అని అడుగుతుంది.. నిన్ను ఒక విషయం అడగాలి చెప్పమ్మా అని అంటుంది.. నా దగ్గరకు రుక్మిణీ రాలేదు.. కానీ నీ దగ్గరకు వచ్చిందా బాగమ్మా అని అడుగుతుంది. అత్తగా నా దగ్గరకు రాకపోయినా తల్లిగా తన మనసులోని బాధను చెప్పడానికి.. నీ దగ్గరకు వచ్చిందని నేను అనుకుంటున్నాను.. అందుకే ఆ విషయం అడుగుదామని ఇక్కడికి వచ్చాను అని దేవుడమ్మ అంటుంది.. లేదమ్మా వస్తే నేను మీకు చెప్పకుండా ఉంటానా తల్లి అని భాగ్యమ్మ అంటుంది..