స్టార్ మా లో ప్రసారమవుతున్న సీరియల్స్ లో దేవతా సీరియల్ కూడా ఒకటి.. అనుబంధాలకు నిలయం అనే చక్కటి ట్యాగ్ లైన్ తో బుల్లితెర ప్రేక్షకులను అలరిస్తోంది. తాజాగా విడుదలైన స్టార్ మా టీవీ సీరియల్ టిఆర్పి రేటింగ్స్ లో దేవత సీరియల్ 10 రేటింగ్ ను సొంతం చేసుకుని నాలుగవ స్థానంలో నిలిచింది.. గత కొద్ది రోజులుగా దేవత సీరియల్ ఇదే ప్లేస్ లో కొనసాగుతూ వస్తుంది.. ఈ వారం తన స్థానాన్ని పదిలంగా కాపాడుకుంది.. ఈ వారం జరిగిన హైలెట్స్ తో పాటు వచ్చేవారం ఏం జరిగిందో చూద్దాం..
దేవత సీరియల్ రోజు రోజుకి అనూహ్యమైన మలుపులు తిరుగుతోంది.. రాధ పాత్రలో కొత్త కొత్త మార్పులు వస్తున్నాయి.. రాధ మాధవ ఇంటి నుంచి దూరంగా వెళ్లిపోవాలని ప్రయత్నిస్తుంది.. ఆ విషయం రామ్మూర్తి, జానకమ్మ కూడా తెలిసిపోయింది.. ఇక చిన్మయిని రాధకు దూరంగా ఉంచే ప్రయత్నాలలో జానకమ్మ ఉంటుంది.. మరోవైపు దేవుడమ్మ రుక్మిణి కనిపించాలని చేయని నోము, వ్రతం లేదు. రోజురోజుకీ దేవుడమ్మ ఆరోగ్యం క్షీణిస్తుందని సత్య, ఆదిత్య ఇద్దరు బాధపడుతున్నారు.. వాళ్ళిద్దరికీ నిజం తెలిసినా కూడా దేవుడమ్మకి చెప్పలేని పరిస్థితిలో ఉన్నారు..
భాగ్యమ్మకు నిజం తెలుసని కమల, భాష అనుకుంటున్నారు. అందుకే భాగ్యమ్మను ఫాలో అవుతున్నారు. ఒక్క దేవికి మాత్రం బాగా దగ్గరవుతున్న భాగ్యమ్మ మనసులో ఏదో ఉందని కమల, భాష అర్థం చేసుకుంటున్నారు.. కమలకు పుట్టే బిడ్డను సత్యకు దత్తత ఇస్తానని ఎన్నిసార్లు చెప్పినా.. భాగ్యమ్మ ససేమిరా ఒప్పుకోను అని అంటుంది.. దాంతో వారి నమ్మకం బలపడుతూ వస్తోంది.. ఇక దేవి ఆదిత్య వాళ్ళింట్లో ఉంటుంది.. తనతో చెస్ లో గెలిచే వరకు అక్కడే ఉంటానని అంటుంది.. ఇక మాధవ్ ఎలాంటి నిర్ణయం తీసుకుంటాడో.. ఎటువంటి ప్లాన్ వేస్తాడో.. తరువాయి భాగంలో చూద్దాం.. మాధవ్ ఫోన్ లో ఆదిత్య, రాధ మాట్లాడుకుంటున్న ఫోన్ ట్రాప్ లో ఉందని తెలుసుకుంటాడు వచ్చే వారం ఇదే హైలెట్ సీన్ కానుంది..