Intinti Gruhalakshmi: ప్రేమ్ ఆర్డర్ చేసిన వెబ్ ఫ్రైడ్ రైస్ ఆర్డర్ తీసుకుని డెలివరీ బాయ్ వస్తాడు నందు వచ్చి ఆ ఆర్డర్ తీసుకుంటాడు.. అంతలో లాస్య వచ్చి వెజ్ ఫ్రైడ్ రైస్ ఆర్డర్ చేశాడు కదా ప్రేమ్ అని అడుగుతుంది .అవును అంత కరెక్ట్ గా ఎలా గెస్ చేసావ్ అని నందు అడుగుతాడు. శృతి ఫ్రైడ్ రైస్ చేస్తుంటే నేను వద్దని చెప్పాను. ఇంట్లో ఇంతమంది ఉన్నప్పుడు మళ్ళీ వంట చేస్తే ఖర్చు ఎక్కువవుతుంది అని అడ్జస్ట్ అవ్వాలని నేను శృతికి చెప్పాను. కావాలని ప్రేమ్ బయట ఫుడ్ ఆర్డర్ చేసుకున్నాడు అని లాస్య అంటుంది..
ఆ మాటలకు శృతికి ఆ ప్యాకెట్ ఇస్తూ నందు ఇలాంటి ఖర్చులు తగ్గించుకోవాలమ్మా.. నాకు కానీ లాస్యకు కానీ జాబ్ వచ్చాక ఇలా మనకు నచ్చినట్టు తినొచ్చు అని నందు స్వీట్ గా చెప్పి అక్కడి నుంచి వెళ్ళిపోతాడు. అప్పుడు లాస్య నేను చెప్పింది కూడా ఇంతే కదా. కాకపోతే మీ అంకుల్ కాస్త అటు ఇటుగా మార్చి కూల్ గా సమాధానం చెప్పడు.. నా మాట వినుండి పరిస్థితి ఎంతవరకు వచ్చేది కాదు కదా అని లాస్య అంటుంది.
పరంధామయ్యకి బాగా ఆకలి వేస్తుందని అనసూయమ్మ చాట్ చేసి తీసుకొని వస్తుంది. అప్పుడే లాస్య అనసూయమ్మ చేతిలో నుంచి చాట్ మసాలా తీసుకుంటుంది. ఇది మీ మామయ్య గారికి నేను చేశాను నీకు కావాలంటే ఇంకొకటి చేసుకో అని అనసూయమ్మ కోపంగా లాస్య తో అంటుంది. ఇంట్లో ఖర్చులు ఎక్కువ అవుతున్నాయి. అయినా మామయ్య గారికి అల్సర్ కదా.. అలాంటప్పుడు ఇలాంటి మసాలా ఫుడ్ ఎందుకు పెడుతున్నారు. ఇది నా ఇల్లు నాకు నచ్చినట్టుగానే ఇంట్లో అందరూ నడుచుకోవాలి. అయినా ఈ టైంలో మామయ్యకి ఏ పండో, బిస్కెటో పెట్టాలి. కానీ ఇలా ఆరోగ్యాన్ని పాడు చేసేది కాదు అని లాస్య ఆ ప్లేట్ తీసుకొని అక్కడ నుంచి వెళ్ళిపోతుంది. అనసూయమ్మకు విపరీతమైన కోపం వస్తుంది అప్పుడే పరంధామయ్య అనసూయ ఊరుకో మనకు ఓపిక ఉన్నన్ని రోజులు ఇలా భరిద్దాము. ఆ తరువాత ఏం చేయాలో ఆలోచిద్దాం అని పరంధామయ్య అనసూయమ్మతో అంటాడు.
తులసి ఆ ముడుపులో చిన్ననాటి ఇంటికి వెళ్ళాలని అక్కడ తన స్నేహితులతో ఆ ఇంట్లో ఆడుకోవాలని రాసుంటుంది. అది తప్పకుండా నెరవేరుస్తానని సామ్రాట్ మనసులో అనుకుంటాడు. సామ్రాట్ అమ్మవారి దగ్గర కోరిన కోరిక హనీ స్కూల్లో ఫస్ట్ ర్యాంక్ రావాలి అని సామ్రాట్ ఇంటికి వెళ్లేసరికి హనీ అటు ఇటు తిరుగుతూ ఉంటుంది. అప్పుడే నాకు స్కూల్లో ఫస్ట్ ర్యాంక్ వచ్చింది అని హనీ చెబుతుంది. ఇక వెంటనే సామ్రాట్ తులసికి ఫోన్ చేస్తాడు. తనని ఓ ప్లేసుకి తీసుకెళ్తున్నానని చెప్పి వాళ్ళ ఊరు రామచంద్రపురం తీసుకెళ్తాడు. తులసి ఇది మా సొంత ఊరు అని ఈ ఊరు అంటే నాకు చాలా ఇష్టమని చెబుతుంది. ఇక తను కోరుకున్నట్టుగానే తన ఇంటిని ఇస్తాడా లేదా అనేది చూడాలి.