Intinti Gruhalakshmi: సామ్రాట్ తులసిని తన చిన్నప్పుడు ఊరికి తీసుకువస్తాడు. అంతేకాదు తనతో పాటు ఆ ఊరంతా తిరుగుతూ తులసి ఆనందాన్ని ఆస్వాదిస్తాడు. తులసి ఓ ఇంటి దగ్గరకు వచ్చి ఆగిపోతుంది. ఏమైంది తులసి గారు ఇక్కడే ఆగిపోయారు అని సామ్రాట్ అడుగుతాడు. అప్పుడే ఇది మీ ఇల్లా.!? అని సామ్రాట్ అడగగానే.. అవును అని తులసి చెబుతుంది. ఇది మా చిన్నప్పుడు ఇళ్లని. కోర్టు కేసుల్లో ఈ ఇల్లు ఇరుక్కుపోయిందని.. ఇప్పటికీ ఓ చిన్న ఆశ ఉందని. ఈ ఇల్లు మాకే దక్కుతుందని ఆశాని తులసి చెబుతుంది..
అంతేకాదు చిన్నప్పుడే నా జ్ఞాపకాలతో పాటు నా వస్తువులు కూడా ఈ ఇంట్లోనే ఉండిపోయాయి అని తులసి చెబుతుంది. ఇక ఆ మాటలు వినగానే సామ్రాట్ హీరో లాగా ఫీల్ అయ్యి కోర్టు వాళ్ళు వేసిన తాళాన్ని పగలగొడతాడు. తులసి అయ్యో ఇలా చేశారేంటండి అని అంటుంది. మీకెందుకండీ మీరు ఇంట్లోకి పదండి అని అంటాడు. ఎవరైనా చూస్తే బాగోదు అనవసరంగా మళ్ళీ గొడవలు జరుగుతాయి. కేసు మళ్లీ పెద్దది కావచ్చు అని తులసి అంటుంది. తాళం పగలగొట్టింది నేను కదా ఏం కాదు పదండి అని సామ్రాట్ అంటాడు.
నేల మీద కూర్చోన్న పేషెంట్స్ ని చూసి అంకిత ఏంటి మీరు ఇలా కింద కూర్చున్నారు అని అడుగుతుంది. సరే ముందు మీరు లేచి వచ్చి ఇలా కుర్చీలో కూర్చొమని చెబుతుంది. ఆ పేషెంట్ ని చెక్ చేసే మెడిసిన్ తీసుకువచ్చి ఇస్తుంది. అమ్మ మీరు ఎప్పుడు మాకు ఉచితంగా మందులు ఇస్తారు. కానీ ఇప్పుడు ఫీజ్ ఎంత అయిందో చెప్పండి నిదానంగా తీరుస్తాము అని అంటారు. అదేంటి అని అంకిత అడుగుతుంది. ఇందాక మీరు ఫీజు తీసుకున్నారు కదా అని అంటుంది. నేను ఫీజు తీసుకోవటం ఏంటి అని అంకిత ఆశ్చర్యపోతూ అడుగుతుంది. ఓ నల్ల చీర కట్టుకున్న ఆవిడ తీసుకుంది కదా అని అంటుంది. అవునా అని అంకిత వాళ్లకు డబ్బులు ఇస్తుంది. కచ్చితంగా ఇది లాస్య కుట్ర అని అర్థం చేసుకుంటుంది.
తులసి ఆ ఇంటి లోపలికి వెళ్ళగానే తులసి చెట్టుని శుభ్రం చేస్తుంది. అంతే కాకుండా ఆ ఇంటి చుట్టుపక్కలంతా నీటుగా సరిచేస్తుంది. తులసి ఇంట్లోకి వెళ్లకుండానే మెట్లు మీద కూర్చుండిపోతుంది. ఆ ఇంట్లో దాచుకున్న తన వస్తువులు గురించి ఆలోచిస్తూ ఉంటుంది. సామ్రాట్ మరోసారి ఆ ఇంటి తాళం అన్ని పగలగొడతాడు. కానీ తులసి ఇంటి లోపలికి వెళ్లడానికి ఆలోచిస్తుంది. ఏం కాదు మీ జ్ఞాపకాలు మీ ఆనందంలో నుంచి మీరు బయటకు రాకండి. అదే ఆనందంతో ఇంట్లోకి పదండి అని సామ్రాట్ అంటాడు. మొత్తానికి సామ్రాట్ తులసి ఇద్దరూ ఆ ఇంట్లోకి వెళ్తారు. తులసి ఆ ఇల్లంతా వెతికి తను చిన్ననాటి వస్తువులను దాచుకున్న టంకు పెట్టెను తీస్తుంది. ఆ ఇనుప పెట్టిలో ఏమున్నాయి అంటే చిన్నప్పుడు తులసి వేసుకున్న బట్టలు, చిన్న చిన్న బొమ్మలు, గాజులు, కొన్ని వస్తువులు ఉన్నాయి.
