Intinti Gruhalakshmi: తులసి అనసూయమ్మ ను తీసుకుని ఇంట్లోకి వస్తుంది. నందు వాళ్ళను లోపలికి రాకుండా అడ్డుకుంటాడు. అమ్మ నువ్వేమీ చిన్న తప్పు చేయలేదు నాన్నని ఎవ్వరూ ఇంతవరకు అవమానించిన విధంగా అవమానించావు అసలు నీకు నో రు ఎలా నోరు ఉంది కదా అని నాన్న మీద విరుచుకుపడితే అందరూ ఊరుకున్నట్టు నేను చూస్తూ ఊరుకోను అని నందు వాళ్ళమ్మని అరుస్తాడు..
నందు గారు మావయ్య గారు నాతో పాటే మా ఇంట్లోనే ఉన్నారు ఆయన గురించి మీరు కంగారు పడకండి అని తులసి చెబుతుంది. మా నాన్నని చాలా జాగ్రత్తగా చూసుకోనందుకు థాంక్యూ తులసి అని నందు అంటాడు. నందు నువ్వేంటి తులసి కి థాంక్స్ చెప్తున్నావు. అసలు ఈ గొడవ అంతా జరగడానికి కారణం తులసినే అని లాస్య అంటుంది. తులసి చీర కట్టుకున్న సంప్రదాయపు మహిళలాగా కనిపిస్తుంది కానీ తన మనసంతా కుళ్ళు కుతంత్రాలతో నిండిపోయి ఉంది .మనకు ఎవరికీ తెలియకోకుండానే మనల్ని తన ట్రాన్సలో పడేస్తుంది అని లాస్య నోటికొచ్చినట్లు మాట్లాడుతుంది.
లాస్య మనం గొడవాడుకోవడానికి ఇది కరెక్ట్ అయినా సమయం కాదు. ఎందుకు ఊరుకోవాలి నిజాలు మాట్లాడుతున్నానని భయపడుతున్నావా అని లాస్య తులసిని ప్రశ్నిస్తుంది. నేను భయపడి చాలా రోజులైంది లాస్య. లోకం గురించి లోకులు అనుకునే మాటలు గురించి కూడా పట్టించుకోవడం మానేసి చాలా రోజులైంది అని తులసి చెబుతుంది. నువ్వింకా అప్డేట్ అవ్వాలి. ఇకపోతే ఇందాక మీవారు చాలా క్లారిటీగా చెప్పారు. నేను ఈ ఇంటికి పరాయి దానిని. అంటే నాకు కూడా ఆయన పరాయి వారే కదా.. అప్పుడు భయపడాల్సింది నువ్వు మాత్రమే నేను కాదు అని తులసి అంటుంది. ఎక్కువ మాట్లాడుతున్నావు తులసి.. మన కుటుంబాన్ని ముక్కలు చేసి తులసి పండగ చేసుకోవాలని అనుకుంటుంది అని లాస్య అంటుంది. పండగలు చేసుకోవాలంటే నాకు చాలా పండగలే ఉన్నాయి.
అయినా ఒకరి బాధని సంతోషంగా పండగ చేసుకునే అలవాటు నాకు లేదు. నీ అలవాటు నేను ఈ ఇంట్లో ఉన్నంతవరకు కుటుంబం ముక్కలు కాకుండా చూసుకున్నాను. ఇప్పుడు ఈ ఇంటి కోడలుగా ఆ బాధ్యత లేదు అని తులసి చెబుతుంది.
అవును తులసి ఇల్లు ముక్కలు కాకుండా చూసుకుంది. ఇప్పుడు నువ్వు చేసింది తప్పే లాస్య అని నందు అంటాడు. నువ్వు ఎందుకు నాన్న ను అభిమానించ లేకపోయావు అని నందు లాస్య పై రివర్స్ అవుతాడు.
మా నాన్నను ఇంట్లోకి తిరిగి వచ్చేవరకు నీకు కొడుకు ఉన్నాడన్న సంగతి మర్చిపో అని అనసూయమ్మకి వేలు చూపిస్తూ వార్నింగ్ ఇస్తాడు నందు. ఇంకొక మాట నువ్వు నాన్నని ఈ ఇంట్లోకి తిరిగి తీసుకురానంతవరకు.. నువ్వు ఇంట్లోకి రావడానికి వీల్లేదు అని నందు అనసూయమ్మను అంటాడు. ఆ పక్కనే ఉన్న తులసి నందు తలుపు వేయకుండా అడ్డుపడుతుంది.