Kasturi: ఇంటింటి గృహలక్ష్మి తులసిగా కస్తూరి మంచి గుర్తింపుని సంపాదించుకుంది.. టిఆర్పి రేటింగ్ లో కూడా ఇంటింటి గృహలక్ష్మి దూసుకెళ్తోంది.. అందుకు ప్రధాన కారణం ఈ సీరియల్ లో కస్తూరి నటిస్తున్న తులసి పాత్రే.. సాధారణంగా సినీ సెలబ్రిటీలు అంటే వారి జీవితం ఎంతో సంతోషంగా ఉంటుందని.. పూలబాటలో సాగిపోతుందని అందరూ భావిస్తారు.. ఇంట్లో ఏసీ గదులను మొదలుకొని బయటకు కాలు పెట్టాలంటే లగ్జరీ కార్లు వరకు పెద్ద పెద్ద బంగ్లాలు వారి జీవితంలో భాగమని అందరూ అనుకుంటారు. కానీ కొంతమంది నటీనటులు మాత్రం వారు సంపాదించినది సామాజిక సేవా కార్యక్రమాల కోసం ఖర్చు చేస్తూ సాధారణమైన జీవితాన్ని గడుపుతుంటారు.. ఆ కోవకు చెందిన వారే ఇంటింటి గృహాలక్ష్మీ సీరియల్ నటి కస్తూరి శంకర్..!
సీరియల్ నటి కస్తూరి శంకర్ తాజాగా చెన్నై మెట్రో ట్రైన్ లో ప్రయాణిస్తూ తన ఫోన్ పోయిందంటూ ట్విట్టర్ వేదికగా ఈ విషయాన్ని తెలియజేయడంతో.. మెట్రో అధికారులు తన ఫోన్ వెతికి తనకు ఇచ్చారని కృతజ్ఞతలు తెలిపారు. ఈ విధంగా మెట్రోలో ప్రయాణిస్తూ ఫోన్ పోగొట్టుకున్న అనే విషయాన్ని తెలియజేయడంతో.. ఎంతోమంది నెటిజన్స్ కస్తూరిని మీరు మెట్రోలో ప్రయాణించడం ఏంటి అని ప్రశ్నించారు. ఆ ప్రశ్నలకు తనుకు ఏసీ కార్లు, బంగ్లాలు ఏమీ లేవని తాను ఒక సాధారణమైన జీవితాన్ని గడుపుతున్నానని కస్తూరి తెలిపారు.
మరి మీ సంపాదనంతా ఏం చేస్తున్నారని మరో నేటిజన్ ప్రశ్నించగా.. ఆ ప్రశ్నకు సమాధానంగా కస్తూరి తాను సంపాదించిన డబ్బు మొత్తం మెడికల్ హెల్త్ క్యాన్సర్ పేషెంట్లు కోసం ఖర్చు చేస్తున్నానని చెప్పారు. ఈ విషయం ఎంతోమంది నెటిజెన్స్ ను ఆశ్చర్యపరిచింది. కస్తూరి మంచితనానికి నెటిజన్స్ అంతా ఫిదా అవుతున్నారు. ఇలా ఈమె సంపాదించిన సంపాదన అంతా ఇతరుల కోసం ఖర్చు చేయడం నిజంగా గ్రేట్ అంటూ సోషల్ మీడియాలో కామెంట్స్ పెడుతున్నారు. సీరియల్ లోనే ఇతరులకు సహాయం చేస్తుంది అనుకుంటున్న తులసి రియల్ లైఫ్ లో కూడా అలాగే పరులకు సహాయం చేయడం చూసి అందరూ ఆమె యాటిట్యూడ్ కి ఫిదా అవుతున్నారు.