Karthikadeepam serial today episode review October 31: బుల్లితెర ప్రేక్షకులను ఎంతగానో అలరిస్తున్న కార్తీకదీపం సీరియల్ రోజుకో సరికొత్త మలుపు తిరుగుతూ విశేషంగా ప్రేక్షకులను అలరిస్తూ 1497వ ఎపిసోడ్లోకి అడుగుపెట్టింది.ఇక ఈరోజు అక్టోబర్ 30న ప్రసారం కానున్న Karthika Deepam serial,1497 వ ఎపిసోడ్ లో ఏమి జరిగిందో ముందుగా తెలుసుకుందాం. గత ఎపిసోడ్ లో సౌర్యను చూస్తున్న అనే ఆనందంలో కార్తీక్, దీపలు ఉంటారు. మరో పక్క మోనిత వేసిన ప్లాన్ ఫెయిల్ అవ్వడంతో కోపంతో రగిలిపోతుంది మోనిత. ఈ క్రమంలోనే నేటి ఎపిసోడ్ మరింత ఆసక్తిగా ముందుకు సాగిందనే చెప్పాలి.శౌర్యని చూడాలని దీప, కార్తీక్ చాలా ఆత్రంగా ఎదురుచూస్తూ ఉంటారు. ఇక దీప సంతోషానికి అయితే అవధులు లేవు.డాక్టర్ బాబు ఎక్కువ సేపు నాతోనే ఉంటున్నారు, మోనితని కొద్ది కొద్దిగా పట్టించుకోవడం మానేస్తున్నారు అని సంతోష పడుతుంది. డాక్టర్ బాబుకు శౌర్యని చూడగానే గతం గుర్తుకు రావాలి అని దీప ఆశపడుతుంది.
జ్వాల కోసం ఇంద్రుడు, చంద్రమ్మ ఆరాటం :
తర్వాత సీన్ చంద్రమ్మ, ఇంద్రుడు దగ్గర ఓపెన్ అవుతుంది. చంద్రమ్మ చాలా సేపటి నుంచి ఇంద్రుడు గురించి ఎదురు చూస్తూ ఉంటే అప్పుడే వస్తాడు.రాగానే చంద్రమ్మ ఒకవేళ జ్వాలమ్మ నీకు దూరం అయిపోతే ఏమై పొతావ్ అని అంటాడు. ఆ మాటకి చంద్రమ్మ ఎందుకు అలా అంటున్నావ్ నాదగ్గర ఏదో దాస్తున్నావ్ అని అంటుంది. జ్వాలమ్మ మనల్ని వదిలి ఎక్కడికి వెళ్ళదు అని చంద్రమ్మ అంటుంది.లేదు జ్వాలమ్మ మనల్ని వదిలి వెళ్ళిపోతుంది.జ్వాల కోసం కాసేపటిలో వాళ్ళ అమ్మానాన్నలు ఇక్కడికి వస్తారు అనుకుని… నేను వాళ్ళ దగ్గరకి వెళ్లను నా బిడ్డని వాళ్ళకి అప్పగించను అని ఇంద్రుడు మనసులో అనుకుంటాడు.
బిడ్డను చూడబోతున్న ఆనందంలో కార్తీక్, దీపలు :
సీన్ కట్ చేస్తే కారులో శౌర్య కోసం వెళ్తు దీప చాలా సంతోషంగా ఉంటుంది. జరిగిన సంఘటనలు అన్నీ గుర్తు చేసుకుని దీప ఎమోషనల్ అవుతుంది. ఆరోజే శౌర్య కనిపించినప్పుడే వెళ్తే దొరికేది కదా అని కార్తీక్ అంటాడు. ఆ రోజు నేను మీరు కనిపించడంలో అనే కంగారులో ఉన్నా అని అంటుంది దీప.నేను ఎక్కడికి వెళ్తాను వస్తాను కదా అని నోరు జారతాడు కానీ మళ్ళీ ఏదోలా కవర్ చేసుకుంటాడు. కార్తీక్ మాటలు విన్న దీప డాక్టర్ బాబులో చిన్నగా మార్పు వస్తుంది అని సంతోషపడుతుంది.
అమ్మ కోసం సౌర్య పడే బాధ చూసి కరిగిపోయిన ఇంద్రుడు :
మళ్ళీ చంద్రమ్మ దగ్గర సీన్ ఓపెన్ అవుతుంది.ఏమీ లేదు పాప వెళ్ళిపోతే నువ్వు బ్రతకగలవా అని చంద్రమ్మను అడుగుతాడు ఇంద్రుడు. తను పెద్దమనిషి మాత్రమే అయింది పెళ్లి చేసి పంపించేయట్లేదు ఎందుకు అలాగా బాధ పడిపోతున్నావ్ అని అడుగుతుంది చంద్రమ్మ.బిడ్డ వెళ్ళిపోతే చంద్రమ్మ బ్రతకలేదు నేను బిడ్డను ఇవ్వను అని అనుకుంటాడు ఇంద్రుడు. సరే అని పాపని రెడీ చేయడానికి వెళ్తుంది చంద్రమ్మ. కానీ శౌర్య మాత్రం వంటలు జరిగే దగ్గరకి వచ్చి నిలబడి దీపని గుర్తు చేసుకుని ఏడుస్తూ ఉంటుంది.వంటలు చేసే దగ్గర అమ్మ ఉంది నేను వెళ్ళాలి అని ఏడుస్తుంటే ఇంద్రుడు వచ్చి అక్కడ అమ్మ లేదమ్మా అని అంటాడు. అమ్మ కావాలి బాబాయ్, అమ్మని చూడాలని అనిపిస్తుందని శౌర్య ఏడుస్తుంది.శౌర్య బాధ చూసి ఇంద్రుడు తన మనసు మార్చుకుంటాడు. నువ్వు ఎడవకు తల్లి.నీ కళ్ళలో ఆనందం చూడాలి అని అక్కడి నుంచి వెళ్ళిపోతాడు.
కోపంతో రగిలిపోతున్న మోనిత :
మరోపక మోనిత కోపంతో ఇంట్లో అన్నీ సామాన్లు పగలగొడుతూ ఆవేశంతో ఊగిపోతు ఉండగా శివ వచ్చి ఆపుతాడు. ఏమైంది మేడమ్ అని అడుగుతాడు కానీ మోనిత పట్టించుకోకుండా దీపని తిడుతూ ఉంటుంది. నా కార్తీక్ ని వదలవా నిన్ను చంపేస్తాను వంటలక్కా అని గన్ తెచ్చి శివ తలకి గురి పెడుతుంది.ఇక శివ బతిమలాడుతూ ఉంటాడు.
కార్తీక్, దీపలను ఇంటికి తీసుకువస్తున్న ఇంద్రుడు :
ఇక కార్తీక్, దీప ఇంద్రుడు చెప్పిన చోటుకి వచ్చి తనని వెతుకుతూ ఉంటారు. అక్కడ ఇంద్రుడు ఆటో లేకపోయేసరికి దీప కంగారుపడుతుంది.అప్పుడే ఇంద్రుడు ఆటో వేసుకుని వస్తాడు. వెంటనే వాళ్ళని తీసుకుని బయల్దేరతాడు. అటు ఇంద్రుడు కోసం శౌర్య, చంద్రమ్మ ఎదురు చూస్తూ ఉంటారు. ఇంద్రుడు శౌర్యతో గడిపిన క్షణాలు గుర్తు చేసుకుని ఏడుస్తాడు.నిన్ను పంపించకూడదనే అనుకున్నా కానీ నువ్వు అమ్మానాన్న కోసం అలా ఏడుస్తుంటే చూసి భరించలేకపోయాను. బిడ్డ కనిపించకపోతే ఆ బాధ ఎలా ఉంటుందో నాకు తెలుసు అదే బాధ మీ అమ్మానాన్నకి కూడా ఉంటుంది కదా. అందుకే మీ అమ్మానాన్నల్లో మమ్మల్ని చూసుకుని నిన్ను ఇచ్చేస్తున్నా అని ఇంద్రుడు బాగా ఎమోషనల్ అవుతాడు. కార్తీక్ వాళ్ళు ఆటోని ఫాలో అవుతూ రావడంతో ఈరోజు ఎపిసోడ్ ముగుస్తుంది.మరి కార్తీక్, దీపలను సౌర్య చూస్తుందా లేదా అనేది నెక్స్ట్ ఎపిసోడ్ లో చూద్దాం..