Karthikadeepam:బుల్లితెర ప్రేక్షకులను ఎంతగానో అలరిస్తున్న కార్తీకదీపం సీరియల్ రోజుకో మలుపు తిరుగుతూ 1474 వ ఎపిసోడ్ లోకి ఎంటర్ అయింది.ఇక ఈరోజు అక్టోబర్ 05న ప్రసారం కానున్న ఎపిసోడ్ లో ఏమి జరిగిందో ముందుగా తెలుసుకుందాం.. గత ఎపిసోడ్ లో కార్తీక్కి మోనిత పకోడీలు అందించి ఒక కొత్త కధ చెబుతుంది. అయితే కార్తీక్ కు మాత్రం అవేమి గుర్తు ఉండవు.సరిగ్గా అప్పుడే దుర్గ వచ్చి పకోడీలు చేశానని నన్ను పిలిచి.. లేట్గా వచ్చానని కార్తీక్ సార్కి ఇచ్చేస్తావా? అని అంటూ కార్తీక్ దగ్గర అడ్డంగా ఇరికించేస్తాడు. మోనిత చెప్పిన కథే దుర్గ చెప్పడంతో కార్తీక్కి మోనిత మీద అనుమానం బలపడిపోతుంది. ఇక ఈరోజు ఎపిసోడ్ లో ఏమి జరిగిందంటే మోనిత దుర్గను నిలదీస్తుంది.
దుర్గను నిలదీసిన మోనిత :
ఎందుకు ఇలా కార్తీక్ని నన్ను దూరం చేస్తున్నావ్?’ అంటూ దుర్గా కాలర్ పట్టుకుని నిలదీస్తుంది… ఆ నాడు విహారీని అడ్డం పెట్టుకుని దీపమ్మని సార్ని విడగొట్టావ్ కదా కార్తీక్ సార్ వీక్ పాయింట్ ఏంటో తెలుసా.. నమ్మడం.. అప్పుడు నిన్ను నమ్మాడు.. ఇప్పుడు నన్ను నమ్ముతాడు.రాత్రికి నీకు ఊహించని జలక్ ఉంటుంది చూడు’ అనేసి అక్కడ నుంచి వెళ్లిపోతాడు దుర్గ.
పూలతో ఇంటిని అలంకరిస్తున్న దీప :
ఇక కాసేపటికి దీప.. ఇంటి ముందు తన అన్నయ్య,అమ్మలతో కలిసి పూల దండలు కడుతూ ఉంటుంది. పైన కిటికీ నుంచి చూసిన కార్తీక్ హలో దీపా ఏంటి హడావుడి’ అంటూ అడుగుతాడు. ఆ మాటలు వినిపించిన మోనిత పైకి పరుగుతీస్తుంది. ‘డాక్టర్ బాబు ఈ రోజు నా జీవితంలోనే అతి పెద్ద పండుగ ఉంది.. సర్ఫ్రైజ్’ అంటుంది. ఇంతలో మోనిత కార్తీక్ దగ్గరకు వచ్చి ఈ రోజు ఏం స్పెషల్ లేదు కార్తీక్.. కావాలంటే క్యాలెండర్ చూడు ఆ దీప పిచ్చిది అంటూ కొట్టిపారేస్తుంది.
మోనిత మీద అసహనం వ్యక్తం చేస్తున్న కార్తీక్ :
ఇక ఇద్దరు కలిసి భోజనం చేస్తూ ఉంటే కార్తీక్ తన గత జ్ఞాపకాలు ఏమి గుర్తులేవు అని గతంలో ఏముందో తెలియక ఎంత పిచ్చిగా ఉందో తెలుసా? ఎవరికైనా మనసు బాగోకపోతే.. స్నేహితులో, బంధువులో ఎవరో ఒకరి దగ్గరకు వెళ్తారు. నాకు స్నేహితులు బంధువులు ఎవ్వరూ నాకు లేరా? లేకపోతే ఎవ్వరూ లేకుండా నువ్వే చేస్తున్నావా?’ అంటాడు కార్తీక్ ఆవేశంగా.మోనిత బిత్తరముఖం వేసుకుని అలాగే చూస్తుంది.ఆ దీపేమో భార్యని అంటోంది. నువ్వేమో కాదు అంటున్నావ్.. ఎవరిని నమ్మాలో, ఎవరిని నమ్మకూడదో తెలియట్లేదు అంటాడు కార్తీక్ ఆవేశంగా.ఇక మోనిత మాత్రం నేనే నీ భార్యని,ఆనంద్ మన బాబు’ అంటుంది. ‘దీప కూడా ఏవో పేర్లు చెప్పింది. రౌడీ, హిమ అని ఏవేవో అంది.. ఏది నా కుటుంబం అనుకోవాలి కదా. నాకు గతం గుర్తుకు వచ్చే దాక ఎవరిని నమ్మలేను అంటూ అక్కడ నుండి వెళ్ళిపోతాడు.
మోనితకు షాక్ ఇచ్చిన దీప :
ఇక రాత్రికి మోనిత ఇంటి తలుపు కొడుతుంది దీప. కార్తీక్, మోనిత ఇద్దరు లేచి తలుపు తీస్తారు. తలుపు తీసిన వెంటనే దీప, దీప వాళ్ల అన్నయ్య, వాళ్ల అమ్మ ముగ్గరూ ఎదురుగా ఉంటారు. మోనితని తోసుకుని లోపలికి వచ్చేస్తారు. ‘డాక్టర్ బాబు ఈ రోజు నా జీవితంలోనే అతి పెద్ద పండుగ.. అదే మీ పుట్టిన రోజు’ అంటూ అసలు విషయం చెబుతుంది. మోనిత బిక్క ముఖం వేసి బిత్తర చూపులు చూస్తుంది.మరి తర్వాత ఏమవుతుందో తెలియాలంటే నెక్స్ట్ ఎపిసోడ్ దాక ఆగాలిసిందే..!