Krishna Mukunda Murari: మురారి దగ్గరకు కృష్ణ వస్తుంది. ఎలాగైనా వాళ్ళ నాన్న వీఆర్ఎస్ ఇప్పించమని అడుగుతుంది. కృష్ణ మాట్లాడటం చాటుగా వాళ్ళ నాన్న కూడా వింటాడు. వీఆర్ఎస్ తీసుకోవడానికి ఏదైనా బలమైన కారణం చూపించాలని మురారి అంటాడు. అవన్నీ నాకు తెలీదు మా నాన్నను వెంటనే ట్రాన్స్ఫర్ చేసేమని అడుగుతుంది కృష్ణ. నాకు తెలుసు అయినా రూల్స్ కంటే మీకు ఎక్కువ తెలుసా అని మురారి అంటాడు. మా నాన్నకు వీఆర్ఎస్ ఇస్తారా ఇవ్వరా అని కృష్ణ గట్టిగా అడుగుతుంది.. ఇవ్వడం కుదరదు అని మురారి తేల్చి చెబుతాడు..
చంద్రశేఖర్ వచ్చి సారీ సార్ అని అంటాడు. కృష్ణకు కాస్త డేర్ ఎక్కువ కానీ నా విషయంలో మాత్రం తను ఆ డేర్ చేయలేదు. ఎవరైనా నా మీదకు వస్తే భయపడుతుంది. అందుకే త్వరగా రిటైర్మెంట్ తీసుకోమని బలవంతం చేస్తుంది అని చెబుతారు. కానీ నాకు అలా రిటైర్మెంట్ తీసుకోవడం ఇష్టం లేదు. నేను రిటైర్మెంట్ అయ్యేలోపు ఆ శివన్నని అరెస్టు చేయాలి అని చంద్రశేఖర్ అంటాడు. మీకెందుకు గురువుగారు ఈ విషయంలో మీరు ప్రశాంతంగా ఉండండి ఆ విషయాన్ని నేను చూసుకుంటాను అని మురారి అంటాడు.ఇక మురారి కి ఆ ఊరి పెద్దలు సర్పంచ్ అందరూ కాల్ చేసి శివన్న జోలికి రావద్దు అని మురారి కి వార్నింగ్ ఇస్తారు. అప్పుడే మురారి కి ముకుందా కూడా ఫోన్ చేస్తుంది కానీ తను ఫోన్ లిఫ్ట్ చేయడు.
మురారి కోసం ముకుందా ఎదురు చూస్తూ ఉంటుంది. నిన్నటి నుంచి అతనికి ఫోన్ చేస్తున్నాను కానీ అతని ఫోన్ స్విచాఫ్ అని వస్తుంది అని ముకుందా తన ఫ్రెండ్ తో చెబుతుంది. కచ్చితంగా తను నాకోసం ఫోన్ చేస్తాడు అని చెబుతుంది. నువ్వు కంటిన్యూస్ గా ఫోన్ చేస్తూ ఉండు ఈ లోపు పెళ్లి వాళ్ళు కూడా వచ్చేస్తారు అని అంటుంది. అంతలో వాళ్ళ నాన్న వచ్చి ట్రిప్ లో జరిగిన విషయాలన్నీ మర్చిపోమని చెబుతాడు. బుద్ధిగా పెళ్లి చేసుకుని అత్తారింటికి వెళ్లడం మంచిదని సలహా ఇస్తాడు.
భవాని తన కుటుంబంతో కలిసి ముకుంద వాళ్ళ ఇంటికి పెళ్లి చూపులకు వస్తుంది ఇక ముకుందా కిందకు దిగి వచ్చేలోపు మురారి ఫ్రెండ్ కి కాల్ వస్తుంది నేను ఎలాగైనా ఆ అమ్మాయి డీటెయిల్స్ కనుక్కొని నాకు చెప్పమని మురారి తనతో మాట్లాడుతాడు. ముకుంద భవాని కాళ్లకు దండం పెడుతుంది ఫోటో చూసినప్పుడు నీ అర్థం నచ్చింది ఇప్పుడు నీ సంస్కారం నచ్చింది. ఆల్మోస్ట్ నువ్వు మా ఇంటి కోడలు వి అయినట్లే అని అంటుంది భవాని. ఇక అబ్బాయి అమ్మాయి మాట్లాడుకోమని చెప్పగానే ఆదర్శ్ ముకుందా ఇద్దరూ బాల్కనీలోకి వెళ్తారు.
మీరు నాకు చాలా బాగా నచ్చారండి అని ఆదర్శ్ చెబుతాడు. ముఖ్యంగా మీ అమాయకత్వం నాకు నచ్చింది అనగానే హ్మ్మ్ అంటుంది.
నువ్వు ఇప్పుడే ఈ క్షణమే.. అతనికి కాల్ చేయి.. నువ్వు అతని మీద పెట్టుకున్న నమ్మకాన్ని నిజమని నిరూపించమని ముకుందా వాళ్ళ నాన్న అంటాడు. నువ్వు ప్రేమించిన అతనితో పెళ్లి కూడా చేస్తాను అని ముకుంద కి ఒక అవకాశాన్ని ఇస్తాడు వాళ్ళ నాన్న. ముకుంద మురారి కి ఫోన్ చేస్తుంది హలో అని కూడా అంటుంది .ఇక ఇద్దరూ మాట్లాడుకుంటారా కలుస్తారా లేదా అనేది చూడాలి.