Krishna Mukunda Murari: ముకుంద ను ఆదర్శ్ ఓదారుస్తూ.. తన భుజం మీద చెయ్యి వేసి చెబుతాడు. అంతే ముకుందా ను ఆదర్శ్ పట్టుకోగానే పెద్దగా అరుస్తుంది. వెంటనే ఆదర్శ్ చెయ్యి తీసేస్తాడు. అంతలో అందరూ కంగారు పడి ముకుంద దగ్గరకు వస్తారు. ఏమైంది అని అడుగుతారు ముకుందా ఆదర్శ ఇద్దరు ఏం మాట్లాడకపోయేసరికి.. పక్కన ఉన్నవాళ్లు ఆదర్శ్ ఏదో చిలిపి పనిచేసే ఉంటాడు అని అంతా అనుకుంటారు. అదే నిజమని అంత అనుకుంటుండగా ఆదర్శ్ కూడా మౌనంగా ఉంటాడు.
కొత్తగా పెళ్లయింది కదా.. ఆ అమ్మాయికి చాలా సిగ్గు భయం వరకు ఉంటుంది. ఇలా చేయడం కరెక్ట్ కాదు ఆదర్శ్ అని అంతా అంటారు. ముకుందా ను కూడా ఆటపట్టిస్తారు. ఆదర్శ్ కి ఉన్న అనుమానాలను వాళ్ళ పెద్దనాన్న క్లారిఫై చేస్తాడు. అమ్మాయి ఎందుకు అలా అరిచింది అని ఆదర్శ్ అమాయకంగా వాళ్ళ బాబాయ్ ని అడుగుతాడు. వాళ్ళ ఇంట్లో వాళ్ళందరినీ వదిలేసుకొని ఆ అమ్మాయి నీ దగ్గరకు వచ్చింది. వెంటనే నువ్వు తన మీద చేయి వేస్తే ఉలిక్కిపడి అరవక ఏం చేస్తుంది రా అని వాళ్ళ బాబాయ్ అంటాడు. సరేగాని సాయంత్రం నీకు శోభనం ఏర్పాట్లు ఉన్నాయి.. అప్పటివరకు ఓపిక పట్టమని వాళ్ళ బాబాయ్ ఆదర్శ్ ను అక్కడ నుంచి తీసుకొని వెళ్ళిపోతాడు.
శివన్న కృష్ణకి గోరింటాకు పెట్టమని తన చెల్లికి చెబుతాడు రా వదిన గోరింటాకు పెడతాను అని కృష్ణ చేతిని తీసుకుంటుండగా.. మీకు ఒకసారి చెబితే అర్థం కాదా నన్ను మా నాన్న దగ్గరికి పంపించండి అంటూ కృష్ణ ఆ గోరింటాకు పళ్లెం ను విసిరి కొడుతుంది. వెంటనే శివన్నకు కోపం వచ్చి కృష్ణ పైన చెయ్యి ఎత్తుతాడు. కొడతాను అనుకుంటున్నావా నిన్ను అస్సలు కొట్టను అని శివ కృష్ణని కంట్రోల్ చేస్తాడు.
మరోపక్క మురారి చంద్రశేఖర్ దగ్గరికి వస్తాడు. ఎన్ని రోజుల నుంచి నాకెందుకు చెప్పలేదు గురువుగారు అని అంటాడు. ఇక నేను వచ్చేసాను కదా మీరు ఈ విషయం గురించి ఆలోచించకండి కృష్ణని జాగ్రత్తగా సేఫ్ గా తీసుకొచ్చే బాధ్యత నాది. మీరు ఈ విషయం గురించి మర్చిపోండి. తను ఎలాంటి చోటు జాగ్రత్తగా తీసుకు వస్తాను అని మురారి మాట ఇస్తాడు.
రేపటి ఎపిసోడ్ లో ముకుంద మురారి కి ఫోన్ చేస్తుంది. నువ్వు లేకుండా నేను ఉండలేకపోతున్నాను. నావల్ల కావడం లేదు. నీకు నేను ఆదర్శ్ ని పెళ్లి చేసుకుంటానని మాట ఇచ్చాను. కానీ ఆ మాట మీద నిలబడ లేకపోతున్నాను అని ముకుందా ఫోన్లో మాట్లాడటం ఆదర్శ్ వింటాడు. అంతేకాదు ముకుందా మాటలను విన్న వెంటనే తన దగ్గరికి కోపంగా వస్తాడు. ఇక ముకుందా మురారి ప్రేమించుకున్నారన్న సంగతి ఆదర్శ్ కి తెలుస్తుందా లేదా అనేది చూడాలి.