Krishna Mukunda Murari: నందిని పొద్దున్నే లేచి కృష్ణ ఎక్కడ అని రేవతి ని అడుగుతుంది. ఆ పాటికే నిద్రలేచిన కృష్ణ ఇల్లంతా ముగ్గులు వేస్తుంది. ఏసీబీ సార్ ఇదంతా మీకోసమే మీ ఇంట్లో వాళ్ళందరూ సంతోషంగా ఉండాలని ఇలా చేస్తున్నాను అని కృష్ణ చెబుతుంది. కృష్ణ మురారి ఇద్దరు కలిసి ముగ్గు వేయడం ముకుందా చూస్తూ ఉంటుంది. కృష్ణ ముఖానికి అంటుకున్న రంగును మురారి తోడవడం చూసిన ముకుందా కోపంగా వారి వైపు చూస్తుంది.
ముకుంద కిందకు వచ్చి భవాని పక్కన నిలబడుతుంది. అప్పుడే ముకుంద నోరు జారి అడవి పిల్ల కదా ముగ్గులు వేయడం, గొబ్బెమ్మలు పెట్టడం ఇవన్నీ బాగానే అలవాటై ఉంటాయని అంటుంది. ఆ మాటకు భవాని నేను అడవి పిల్లా అన్నానని నువ్వు అలా అంటావా అయినా ముగ్గులు వేయడం, గొబ్బెమ్మలు పెట్టడం ఆడపిల్ల సంప్రదాయం అని అనగానే.. ఏంటి నిన్న మొన్నటి వరకు కృష్ణ పై కస్సుబుస్సులాడింది. అత్తయ్య ను కూడా కృష్ణ ముగ్గులోకి దింపేసిందా తన వైపు టర్న్ చేసుకుందాం అని అనుకుంటుంది. ఇక ఇంట్లో వాళ్ళందరూ ముగ్గులు వేయడం.. సంబరాలలో ఎంజాయ్ చేస్తూ ఉంటారు.
మురారి టిఫిన్ చేద్దామని డైనింగ్ టేబుల్ పై కూర్చోగానే.. ముకుందా వచ్చి మురారిని లేపి తన ఎదురుగా కూర్చోబెట్టుకుంటుంది. ఇక్కడైతే నేను నీ పక్కన కూర్చున్న ఎవరూ ఏం మాట్లాడారు అంటూ మురారితో ముకుందా కబుర్లు చెప్తుంది. ఇక మురారిపై ఓ పాట కూడా పాడుతుంది. ముకుంద ముకుంద ప్లీజ్ చిన్నగా వంటగదిలో అమ్మ ఉంది వింటే బాగోదు అని మురారి అంటాడు. ముకుంద మురారితో కబుర్లు చెప్పడం చూసిన రేవతి ఎలా రియాక్ట్ అవుతుందో తరువాయి భాగంలో చూద్దాం.
ఇక రేపటి ఎపిసోడ్ లో అమ్మ కృష్ణ మురారి కి క్యారేజ్ కట్టాను వెళ్లి ఇచ్చేసిరా అని రేవతి అంటుంది. ఆ మాటలను దూరంగా విన్న ముకుందా ఎలాగైనా మురారి కి ఆ క్యారేజ్ ఇవ్వాలనుకుంటుంది. మురారి ఉన్న పోలీస్ క్యాంపు కి ముకుందా వెళుతుంది. ఇక అక్కడి పోలీస్ ఆఫీసర్ వచ్చి నువ్వు మురారి భార్యవా అని అడుగుతారు.
ఇక ముకుంద ఏమీ మాట్లాడకుండా సైలెంట్ గా నిలబడుతుంది. మురారి దగ్గరికి ఆ పోలీస్ ఆఫీసర్ వెళ్లి నీ భార్య క్యారేజ్ తీసుకొని వచ్చింది వెళ్లి చూడు అనగానే.. కృష్ణ అని మురారి పిలవగానే.. అక్కడ ముకుందా ఉంటుంది. నువ్వేంటి ఇలా వచ్చావని మురారి అడుగుతాడు. నీకోసమే వచ్చానని ముకుందా చెబుతుంది.
ఇంట్లో చెప్పి వచ్చావా అని మురారి అనగానే.. చెబితే పంపిస్తారా చెప్పకుండా వచ్చానని ముకుందా అంటుంది.. ముకుంద ఇంట్లో నుంచి చెప్పకుండా బయటకు వెళ్ళిందని తెలుసుకున్న భవాని ఎలా రియాక్ట్ అవుతుందో చూడాలి.