Krishna Mukunda Murari: ముకుంద మురారితో కబుర్లు చెప్పడం చూసిన రేవతి ఏమ్మా ముకుందా? ఇందాక టిఫిన్ తింటావని కబురు చేస్తే రాలేదు అని రేవతి అడుగుతుంది.. అప్పుడు ఆకలిగా లేదు అత్తయ్య ఇప్పుడు ఆకలిగా ఉంది అంటూ మురారి వైపు అదోలా చూస్తూ మాట్లాడుతుంది. ముకుంద రేవతి వైపు చూస్తూ మురారి తిన్నాక నేను తింటానులే అత్తయ్య అని చెబుతుంది. ఇక రేవతి అక్కడి నుంచి వెళ్ళిపోతుంది. అప్పుడే కృష్ణ అక్కడికి వస్తుంది. మురారి నీకు బాగా జలుబు చేసింది నేను టాబ్లెట్ ఇస్తాను అని ముకుందా అంటుంది. జలుబుకే టాబ్లెట్ అవసరం లేదు ఏసిపి సర్ నేను మీకు ఆవిరి పట్టిస్తాను అని కృష్ణ అంటుంది. కృష్ణ ఆవిరి సిద్ధం చేసి హాల్లో పెడుతుంది. ఇక అందరూ మురారి కి కృష్ణ ఎలా ఆవిరి పెడుతుందా అని చూస్తారు. అమ్మ కృష్ణ మురారి కి ఆ దుప్పటి కప్పుకొని ఆవిరి పెట్టుకోవడం అంటే చాలా భయం. ఇప్పుడు నువ్వు ఎలా మురారితో ఆవిరి పెట్టిస్తావో నని అందరూ ఎదురు చూస్తున్నారు అని రేవతి అంటుంది . మొత్తానికి కృష్ణ తన మాటలతో మాయ చేసి మురారితో ఆవిరి పట్టిస్తుంది. మొత్తానికి కృష్ణ మరోసారి అందరి దగ్గర మార్కులు కొట్టేస్తుంది..
అమ్మ కృష్ణ మురారి కి క్యారేజ్ కట్టాను వెళ్లి ఇచ్చేసిరా అని రేవతి అంటుంది ఆ మాటలను దూరంగా విన్న ముకుందా ఎలాగైనా మురారి కి ఆ క్యారేజ్ ఇవ్వాలనుకుంటుంది మురారి ఉన్న పోలీస్ క్యాంపు కి ముకుందా వెళుతుంది ఇక అక్కడి పోలీస్ ఆఫీసర్ వచ్చి నువ్వు మురారి భార్యవా అని అడుగుతారు. ఇక ముకుంద ఏమీ మాట్లాడకుండా సైలెంట్ గా నిలబడుతుంది. మురారి దగ్గరికి ఆ పోలీస్ ఆఫీసర్ వెళ్లి నీ భార్య క్యారేజ్ తీసుకొని వచ్చింది వెళ్లి చూడు అనగానే.. కృష్ణ అని మురారి పిలవగానే.. అక్కడ ముకుందా ఉంటుంది. నువ్వేంటి ఇలా వచ్చావని మురారి అడుగుతాడు. నీకోసమే వచ్చానని ముకుందా చెబుతుంది. ఇంట్లో చెప్పి వచ్చావా అని మురారి అనగానే.. చెబితే పంపిస్తారా చెప్పకుండా వచ్చానని ముకుందా అంటుంది..
ఇక రేపటి ఎపిసోడ్ లో ముకుందా మురారి ఇద్దరు కలిసి ఇంట్లోకి వస్తారు ముకుందా నువ్వేంటి మురారితో కలిసి వచ్చావు అని అందరూ అడుగుతారు చెప్పు మురళి అసలు ఏం జరిగిందో చెప్పు నువ్వే కదా ఫోన్ చేసి నన్ను రమ్మని చెప్పావు ఇప్పుడు ఆ విషయం అందరి ముందు చెప్పవేంటి చెప్పు అని ముకుందా అడ్డంగా మురారిని అందరి ముందు బుక్ చేస్తుంది. ఇక మురారి ఏం చెప్పి తప్పించుకుంటాడో తరువాయి భాగంలో చూద్దాం.