Krishna Mukunda Murari: ముకుంద కి కలలో మురారి కృష్ణ కలిసిపోయినట్టు కల వస్తుంది. వెంటనే ఉలిక్కిపడి లేస్తుంది అలా జరగకూడదు అని పక్కనే ఉన్న ఫ్లవర్ వాజ్ విసిరి కొడుతూ తన చేతికి కావాలని గాయం చేసుకుంటుంది. ముకుందా నా వలన రాత్రి భోజనం చేయలేదని.. భవాని తన తోటి కోడలను ముకుందా దగ్గరకు పంపిస్తే.. అప్పటికే ముకుందా చేతికి గాయం అయి ఉంటుంది.. ఇక వెంటనే భవాని వచ్చి ముకుందని చూస్తుంది..
ముకుందని కిందకి హాల్లోకి తీసుకు రాగానే అందరూ తన చేతికి గాయం ఎలా అయింది అని అంటారు. ఒక్కొక్కరికి సమాధానం చెప్పలేను కానీ ప్రకాష్ వెంటనే మన ఫ్యామిలీ డాక్టర్ కి ఫోన్ చేయమని భవాని చెబుతుంది. అవసరం లేదు పెద్దమ్మ తను ఉంది కదా అని మురారి కృష్ణను తీసుకువస్తాడు. కృష్ణ వచ్చి సోఫాలో కూర్చొని భవాని పైకి లెగుస్తుంది. ఇక వెంటనే కృష్ణ లేచి కింద కూర్చుని ముకుందా చేతికి అయిన గాయాన్ని తుడుస్తూ బ్యాండేజ్ వేస్తుంది.. ఇక మురారి కి కావలసిన టాబ్లెట్స్ రాసిస్తాను వెంటనే వేయమని కృష్ణ చెబుతుంది.
ఇక వాళ్ళందరూ వెళ్లిపోగానే రేవతి వచ్చి అక్క శుక్రవారం పూట ఇలా జరిగిందేంటి అని అంటుంది. ఇంట్లోకి వచ్చింది కదా నీ ఇనుప గజ్జెల జేష్ట దేవి అని కృష్ణని చూస్తూ అంటుంది. అక్క మురారి కృష్ణ చేత సత్యనారాయణ స్వామి నోము చేపిద్దాము అని రేవతి అంటుంది. ఈ నోము చేస్తే ఈ ఇంట్లో ఇక ఎలాంటి అనర్ధాలు జరగకుండా ఉంటాయని నాకు అనిపిస్తుంది అని రేవతి చెబుతుంది.
నేను ఇదే వ్రతాన్ని ముకుందా ఆదర్శతా చేయించాలి అని అనుకున్నాను. కానీ ఈలోపే ఆదర్శ్ ఇంటికి దూరమయ్యాడు. ఒకవేళ ఈ వ్రతం చేస్తే ఆదర్శ్ తిరిగి వస్తాడేమో చూద్దాం అని రేవతి సలహా ఇస్తుంది. ఇక కృష్ణ ముకుందా దగ్గరకు వెళ్లి టాబ్లెట్స్ ఇచ్చి వేసుకోమని చెబుతుంది. మీ చేతికి మీరు ఎందుకు కావాలని గాయం చేసుకున్నారు. అందుకు కారణం ఏంటో నేను తెలుసుకోవచ్చా అని ముకుంద నీ కృష్ణ అడుగుతుంది. ఈ ఇంటికి నువ్వు కోడలుగా రావడమే నా గాయానికి కారణం అని ముకుందా చెబుతుంది. అదేంటి అని కృష్ణ ప్రశ్నిస్తుంది.
ఇక రేపటి ఎపిసోడ్ లో ముకుందా మురారిని సత్యనారాయణ స్వామి నోము జరగడానికి వీల్లేదు అని చెబుతుంది. ఒకవేళ నువ్వు ఆ నోము కనుక చేస్తే మీ ఇష్ట పూర్వకంగానే కృష్ణను పెళ్లి చేసుకున్నావు అని నేను నమ్ముతాను అని మురారి తో ముకుందా అంటుంది. మరోవైపు నేను ఈ నోము చేయటానికి పూజలో పాల్గొనను అని కృష్ణ మురారి కి చెబుతుంది. ఈ విషయాన్ని నువ్వే మీ ఇంట్లో వాళ్లకి చెప్పుకోమని కృష్ణ మురారి కి వార్నింగ్ ఇస్తుంది. ఈ ఇద్దరి భామల మధ్య మురారి నలిగిపోతాడు. ఇది చాలదన్నట్టు భవాని నీ భార్య ఇంకా రాలేదా అని నోము ఏర్పాట్లు దగ్గర అడుగుతుంది. ఇక ఏం జరుగుతుందో మురారి ఏం చేసి ఈ నోమును ఆపుతాడో చూడాలి..
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!