న్యూఢిల్లీ: స్వచ్ఛ్ భారత్ లో భాగంగా తమిళనాడులోని మహాబలిపురం పర్యటనలో ప్రధాని నరేంద్ర మోదీ.. శనివారం చెన్నై బీచ్లో ఉన్న చెత్తను స్వయంగా తొలగించిన సంగతి తెలిసిందే. ఆ సమయంలో ప్రధాని మోదీ తన చేతిలో టార్చ్ వంటి పరికరాన్ని పట్టుకున్నారు. చెత్త తీస్తున్నప్పటి వీడియో, ఫోటోలు వైరల్ కావడంతో అందరి దృష్టి ఆ పరికరంపై పడింది. మోదీ స్వచ్ఛ భారత్కు నెటిజన్లు ఫిదా అయ్యారు. కొందరు ఆయన చేతిలో ఉన్న పరికరం ఏమై ఉంటుందని ఆరా తీయడం మొదలుపెట్టారు. టార్చ్లైట్ అని కొందరు, తక్కువ బరువున్న డంబెల్ అని మరికొందరు భావించారు. అయితే, నెటిజన్లు తన చేతిలో ఉన్న పరికరం గురించి ఆరా తీసున్నారని తెలుసుకున్న మోదీ.. తన చేతిలో ఉన్న పరికరమేంటో ట్విట్టర్ ద్వారా వెల్లడించారు. ‘మామల్లాపురంలో నేను చెత్త తీస్తున్నప్పుడు నా చేతిలో ఉన్న పరికరం గురించి నిన్నటి నుంచి చాలా మంది ప్రశ్నిస్తున్నారు. దాని పేరు ఆక్యుప్రెజర్ రోలర్. నేను దాన్ని తరచుగా వాడుతుంటాను. ఎందుకంటే నాకది ఎంతో మేలు చేసింది’ అని ట్వీట్లో పేర్కొన్నారు.
Since yesterday, many of you have been asking – what is it that I was carrying in my hands when I went plogging at a beach in Mamallapuram.
It is an acupressure roller that I often use. I have found it to be very helpful. pic.twitter.com/NdL3rR7Bna
— Narendra Modi (@narendramodi) October 13, 2019
ఆక్యుప్రెజర్ రోలర్ అనేది చేతిలో ఇమిడిపోయే పరికరం. మార్నింగ్ వాక్ సమయంలో దీన్ని ఉపయోగించడం వల్ల రక్త ప్రసరణ మెరుగవుతుంది. ఈ పరికరం ఒత్తిడి నుంచి ఉపశమనం కలిగిస్తుంది. నిద్రలేమితో బాధపడే వారికి ఈ పరికరం ఉపయోగపడుతుంది. జీర్ణసంబంధితన వ్యాధులను, తలనొప్పి వంటి సమస్యలను కూడా దూరం చేస్తుంది. ఆక్యుప్రెజర్ రోలర్తో సున్నితంగా మసాజ్ చేయడం ద్వారా.. అనేక సమస్యల నుంచి ఉపశమనం లభిస్తుంది.