రాణుకు సెలెబ్రిటీనన్న గర్వం తలకెక్కిందా?

(న్యూస్ ఆర్బిట్ డెస్క్)

ఒక్క పాటతో ఇంటర్‌నెట్ సెలబ్రిటీగా మారిన రాణు మండాల్ పై ఇప్పుడు నెటిజన్లు విమర్శలు గప్పిస్తున్నారు. సెల్ఫీ అడిగి ఓ అభిమాని పట్ల ఆమె వ్యవహరించిన తీరుపై ఆగ్రహం వ్యక్తం చేస్తున్నారు. వివరాల్లోకి వెళితే.. ఓ సూపర్ మార్కెట్ లో ఫోటో దిగేందుకు ఓ మహిళా అభిమాని రాణు మండాల్ దగ్గరకు వెళ్లింది. ఆమెను చేతితో తాకుతూ ఫోటో కావాలని అడిగింది. దీనికి అభిమాని వైపు తిరిగి ‘ఏంటి చేతితో తాకుతున్నావ్‌’, తనను తాకొద్దూ అంటూ వ్యాఖ్యానించింది. ఇప్పుడీ వీడియో సోషల్ మీడియాలో వైరల్‌ గా మారింది. సెల్ఫీ కోసం తన భుజం తట్టిన ఒక అభిమానిపై రాణు వ్యవహారశైలి నెటిజన్లకు తీవ్ర ఆగహాన్ని తెప్పిస్తోంది. దీంతో ఆమె తీరును తప్పుబడుతూ ట్విట్టర్ వేదికగా విమర్శలు గుప్పిస్తున్నారు.

Don't touch me, I'm celeb now : Ranu Mondal
We made her celebrity and now see her attitude.#ranumondal #ranumandal pic.twitter.com/HOGFPYnU4s

— HasegaIndia (@indiahasegaa) November 4, 2019

Really sad we all twitterati supp her when her station vala video came see her behaviour after becoming celebrity
Such insult of any fan is pathetic #RanuMondal @singh_harmeet84 https://t.co/8rQHcEijau

— Nandini Idnani (@idnani_nandini) November 4, 2019

సెల్ఫీ కోసం తన భుజాన్ని తట్టిన ఒక మహిళను రాణు మండాల్ తీవ్రంగా మందలించడంపై నెటిజన్లు మండిపడుతున్నారు. అంత పరుషంగా ఒక అభిమానిపై స్పందించాల్సిన అవసరం లేదని నెటిజన్లు పేర్కొంటున్నారు. ‘మేము ఆమెను సెలెబ్రిటీని చేశాం..ఇప్పుడు ఆమె ప్రవర్తన ఎలా ఉందో చూడండి’ అంటూ ఓ నెటిజన్ కామెంట్ చేశాడు. ‘రైల్వే స్టేషన్‌లో ఆమె పాటలు పాడుతున్న వీడియో చూసి మేము ఆమెకు మద్దతిచ్చాం. సెలెబ్రిటీ అయిన తర్వాత ఆమె ప్రవర్తన ఎలా ఉందో చూస్తున్నాం. ఒక అభిమానిని ఈ విధంగా అవమానించడం బాధాకరం’ అని మరో నెటిజన్ ఆవేదన వ్యక్తం చేశారు.

https://twitter.com/AnilMJacob/status/1191403364006760448

https://twitter.com/Jixsa5/status/1191434034024505344

ఒక్క పాటతో ఓవర్ నైట్ స్టార్ సింగర్ గా మారిపోయింది రాణు మండాల్. ఆమె గాత్రం ల‌తా మంగేష్క‌ర్‌ను పోలి ఉండ‌టంతో సోషల్ మీడియా పుణ్యమా అని ఆమె పాడిన పాట ఓ రేంజ్‌లో వైరల్ అయ్యింది. దీంతో నెటిజన్లు రాణు గొంతుకి ఫిదా అయ్యారు. అంతే కాకుండా బాలీవుడ్ సెలబ్రిటీలు కూడా రాణు పాటకు మంత్ర ముగ్ధులయ్యారు. రైల్వే స్టేషన్ లో పాటలు పాడే రాణు ప్ర‌తిభ ఇప్పుడు బాలీవుడ్‌కి పాకింది. బాలీవుడ్ సంగీత ద‌ర్శ‌కుడు హిమేష్ రేష్మియా ఓ అడుగు ముందుకేసి `హ్యాపీ హ‌ర్డీ అండ్ హీర్‌`చిత్రంలో పాట పాడే అవ‌కాశాన్ని క‌ల్పించిన సంగతి తెలిసిందే.

Mahesh

See Full Bio