NewsOrbit
టాప్ స్టోరీస్

నిర్భయ దోషి పిటిషన్ ను కొట్టివేసిన సుప్రీం!

న్యూఢిల్లీ: తన క్షమాభిక్ష అభ్యర్థనను రాష్ట్రపతి తిరస్కరించడాన్ని సవాల్ చేస్తూ నిర్భయ కేసు దోషి ముకేశ్ కుమార్ సింగ్ దాఖలు చేసిన పిటిషన్ ను బుధవారం సుప్రీంకోర్టు కొట్టివేసింది. ఈ కేసులో అన్ని పత్రాలు చూసిన తర్వాతే రాష్ట్రపతి క్షమాభిక్ష అభ్యర్థనపై నిర్ణయం తీసుకున్నారని సర్వోన్నత న్యాయస్థానం స్పష్టం చేసింది. జైల్లో దోషి ఎదుర్కొన్న బాధను ఆధారంగా చేసుకుని క్షమాభిక్ష తిరస్కరణను సవాల్ చేయడం సరైందని కాదని, కేవలం జైల్లో వేధించారన్న కారణంగా రాష్ట్రపతి నిర్ణయాన్ని సమీక్షించలేమని పేర్కొంది. క్షమాభిక్షను వేగంగా తిరస్కరించడం అంటే దానర్ధం ఆలోచన లేకుండా తీసుకున్న నిర్ణయం కాదని తెలిపింది.

ఫిబ్రవరి 1న ఉదయం 6 గంటలకు నలుగురు నిర్భయ దోషులను ఉరితీయాలని ట్రయల్ కోర్టు డెత్ వారంట్ జారీ చేసింది. దీంతో దోషుల్లో ఒకరైన ముకేశ్ రాష్ట్రపతిని క్షమాభిక్ష కోరారు. అయితే, ముకేశ్ అభ్యర్థనను రాష్ట్రపతి తిరస్కరించారు. దీంతో రాష్ట్రపతి నిర్ణయాన్ని సవాల్ చేస్తూ.. ముకేశ్ సుప్రీం కోర్టులో పిటిషన్ వేశారు. దీన్ని అత్యవసరంగా విచారణకు చేపట్టిన న్యాయస్థానం.. మంగళవారం(జనవరి 28) వాదనలు విన్నది. ముకేశ్ తరపున సీనియర్ న్యాయవాది అంజనా ప్రకాశ్, ప్రభుత్వం తరపున సొలిసిటర్ జనరల్ తుషార్ మెహతా వాదనలు వినిపించారు. ఈ సందర్భంగా.. ముకేశ్‌ జైల్లో అత్యాచారానికి గురయ్యాడని అతడి తరఫు లాయర్ సంచలన ఆరోపణలు చేశారు. అయితే ఈ వాదనను సొలిసిటర్ జనరల్ తుషార్ మెహతా ఖండించారు. జైల్లో దోషి పడిన బాధను క్షమాభిక్ష కింద పరిగణనలోకి తీసుకోరని చెప్పారు. ముకేశ్ మానసిక, శారీరక ఆరోగ్య పరిస్థితి కూడా బాగానే ఉందని తెలిపారు. ఇరు పక్షాల వాదనలు విన్న న్యాయస్థానం ముకేశ్ పిటిషన్ ను కొట్టివేస్తూ బుధవారం తీర్పు వెలువరించింది. పిటిషన్ లో ముఖేశ్ కుమార్ పేర్కొన్న కారణాలు సహేతుకంగా లేవని ఈ సందర్భంగా ధర్మాసనం అభిప్రాయపడింది. రాష్ట్రపతికి అన్ని డాక్యుమెంట్లు పంపించలేదనే ఆరోపణల్లో నిజం లేదని స్పష్టం చేసింది. ఇలాంటి వారి పట్ల జాలి చూపించాల్సిన అవసరం లేదని వ్యాఖ్యానించింది.

మరోవైపు నలుగురు దోషులకు ఫిబ్రవరి 1న ఉరితీసేందుకు ఓవైపు ఏర్పాట్లు జరుగుతుండగా.. మరోవైపు శిక్ష అమలు వాయిదా పడేలా దోషులు విశ్వ ప్రయత్నాలు చేస్తున్నారు. ఈ కేసులో మరోదోషి అక్షయ్ కుమార్ సుప్రీం కోర్టులో క్యూరేటివ్ పిటిషన్ దాఖలు చేశాడు. ఇప్పటికే ఇద్దరు దోషుల పిటిషన్లను అత్యున్నత న్యాయస్థానం కొట్టివేసింది. ఉరిశిక్ష అమలుకు నాలుగు రోజుల ముందు మంగళవారం(జనవరి 28) రాత్రి అక్షయ్ తన చిట్టచివరి న్యాయపరమైన అవకాశాన్ని వినియోగించుకున్నాడు. ఉరిశిక్షను సవాల్ చేస్తూ అతడు క్యూరేటివ్ పిటిషన్ దాఖలు చేసినట్లు తీహార్ జైలు అధికారులు తెలిపారు. గతంలో అక్షయ్ వేసిన రివ్యూ పిటిషన్ ను సుప్రీంకోర్టు కొట్టివేసిన సంగతి తెలిసిందే. తాజా క్యూరేటివ్ పిటిషన్ పై న్యాయమూర్తులు బుధవారం ఛాంబర్లలో విచారణ జరిపే అవకాశం ఉంది. ఉరిశిక్ష అమలుకు తేదీ దగ్గరపడుతున్న సమయంలో దోషులు ఇలా పిటిషన్లు వేయడంతో ఫిబ్రవరి 1న ఉరి అమలు అవుతుందా లేదా అన్నది ఉత్కంఠగా మారింది.

Related posts

Ayodhya : జ‌న‌వ‌రి 22 : అయోధ్య రామ‌మందిరం ఓపెనింగ్‌.. మీ గ్రామాల్లో ఈ ప‌నులు చేయండి..!

Saranya Koduri

Subrata Roy: సుబ్రతా రాయ్ ఇక లేరు…సహారా గ్రూప్ స్థాపకుడుకి 75 సంవత్సరాలు, దీర్ఘకాలిక అనారోగ్యం తో కన్ను మూత.

Deepak Rajula

International Girl Child Day: అంతర్జాతీయ బాలికా దినోత్సవంపై స్పెషల్ స్టోరీ.. 2023 థీమ్ ఏంటి? దీని చరిత్ర..

siddhu

Amaravati Capital Case: అమరావతి రాజధాని కేసు డిసెంబర్ కు వాయిదా వేసిన సుప్రీం కోర్టు .. ఏపీ సర్కార్ కు షాక్ | Supreme Court Shocks AP Govt in Amaravti Case 

sharma somaraju

Kuno National Park: కునో నేషనల్ పార్కుకు మరో 12 చిరుతలు.. ఈ పార్కుకు వెళ్లాలని అనుకుంటున్నారా? హైదరాబాద్, విజయవాడ నుంచి ఇలా వెళ్లండి!

Raamanjaneya

Mughal Gardens: అమృత ఉద్యాన్‌గా మొఘల్ గార్డెన్.. దీని చరిత్ర.. ప్రత్యేకతలు!

Raamanjaneya

థార్ డెసర్ట్‌లో ఇసుక తిన్నెలు నడుమ అద్భుతమైన ఆహారం,  ప్రదర్శనలు, కచేరీలు!

Raamanjaneya

KCR’s BRS: నూతన శాతవాహన సామ్రాజ్యం దిశగా పావులు కదుపుతున్న నయా శాతవాహనుడు సీఎం కేసీఆర్

sharma somaraju

ఆ ఇద్దరూ ఒకే వేదికపై ..! బీజేపీ భారీ ప్లాన్స్, సక్సెస్ అవుతాయా..!?

Special Bureau

Why Lawrence Bishnoi wants Salman Khan Dead? నాలుగు సంవత్సరాల నుండి సల్మాన్ నీ చంపడానికి ప్లాన్ చేస్తున్న దుండగులు..!!

Siva Prasad

PK Team: పీకే టీమ్ – 1500మంది రెడీ ..! వైసీపీ కోసం భారీ ప్లాన్స్..!

Special Bureau

YSRCP: ఈ విషయాలు గమనిస్తే దటీజ్ జగన్ అనాల్సిందే(గా)..?

sharma somaraju

Rahul Gandhi: వరంగల్ సభలో టీఆర్ఎస్ పై రాహుల్ సీరియస్ కామెంట్లు..!!

sekhar

Telangana Crime: భాగ్యనగరంలో అమానవీయ ఘటన! పదహారు మంది బాలల బట్టలూడదీసి కొట్టినా కిమ్మనని పోలీసులు,కెసిఆర్ సర్కారు!

Yandamuri

TDP ChandraBabu: కార్యకర్తలపై కేసులు.. బాబోరీ వెరైటీ కూతలు..!!

sekhar

Leave a Comment