దేశంలో మత సామరస్యం గురించి అందరూ నీతులు చెప్పేవారే. సహనానికి, సర్వమానవ సౌభ్రాతృత్వానికీ హిందూమతం మారుపేరని అందరూ మోగేవారే. అయితే ఆచరణలో అందుకు భిన్నంగా జరుగుతోంది. పక్క మతం ఉనికిని కూడా భరించలేని వారు తయారవుతున్నారు. ఇటీవలి కాలంలో ఈ ధోరణి విపరీతంగా పెరిగిపోయింది. తమ విపరీత భావాలకు భిన్నంగా ఎవరన్నా మంచి చెబితే వారిపై కక్ష కడుతున్నారు. వెంటాడుతున్నారు. అందుకు నేటి డిజిటల్ ప్రపంచంలోని టెక్నాలజీని ఉపయెగించుకుంటున్నారు.
ఈ ధోరణి బాధితులలో వ్యక్తులే కాదు వాణిజ్య సంస్థలు కూడా ఉంటున్నాయి. తాజాగా హిందూస్థాన్ యూని లీవర్ సంస్థ ఆ జాబితాలో చేరింది. కొద్ది రోజులుగా ఆ కంపెనీపై సోషల్ మీడియాలో దుమ్మెత్తి పోస్తున్నారు. కారణం ఆ సంస్థ ఉత్పత్తులలో ఒకటైన సర్ఫ్ ఎక్సెల్ వాణిజ్య ప్రకటన. రానున్న హోలీ పండుగను దృష్టిలో ఉంచుకుని మత సామరస్యాన్ని హృదయానికి హత్తుకునే విధంగా చిత్రిస్తూ హిందుస్థాన్ యూని లీవర్ ఒక టివి ప్రకటన విడుదల చేసింది. అది మీరూ చూడండి:
దీనిని చూసి హిందుత్వ వాదులు శివాలెత్తిపోయారు. సోషల్ మీడియాలో రకరకాలుగా ఆ సంస్థపై దుష్ప్రచారానికి దిగారు. #boycottSurfexcel అనే హాష్టాగ్ ట్విట్టర్లో వైరల్ అయింది. వీడియో హిందువులను అవమానించే రీతిలో ఉందని విమర్శించడం మొదలుపెట్టారు.
#boycottSurfexcel because you also know that the add is humiliating Hinduism. And promoting love jehad. Gender selection and talking holi colour as "daag" is not acceptable by hindu because it is done intentionally. Gender selection could have been reverse also.
— मेरा भारत महान:वंदे मातरम् (@MBMRKDr) March 10, 2019
అంతటితో ఆగలేదు. సర్ఫ్ ఎక్సెల్లో ఉండకూడని పదార్ధాలు ఉన్నాయి కాబట్టి దానిని బాయ్కాట్ చేయాలంటూ ఒక ఫేక్న్యూస్ ప్రచారంలోకి తెచ్చారు. హిందువుల మనోబావాలు దెబ్బతీసిన కారణంగా హిందూస్థాన్ యూని లీవర్ సంస్థకు పది కోట్ల రూపాయల నష్టం వాటిల్లిందని టైమ్స్ ఆఫ్ ఇండియా ప్రచురించినట్లు మరో ఫేక్న్యూస్ తయారు చేశారు. ఇంకా కొన్ని బూటకపు వార్తలు చలామణీలో పెట్టారు..
అయితే ఈ ప్రకటనకు పొగడ్తలు అందకపోలేదు. చాలామంది ట్విట్టర్ ఖాతాదారులు ఇంత చక్కగా ఉన్న ప్రకటనపై ఈ దుమారం ఏమిటని వాపోయారు. ఫిబ్రవరి 27న విడుదల అయిన ఈ ప్రకటన వీడియోను ఇప్పటికి 77 లక్షల మందికి వీక్షించారు.
Proud to have been a part of the #SurfExcel Holi commercial. An amazing and a brave team behind this!
Unfortunately to convey compassion, tolerance and love one needs to be brave these days.
— Vasan Bala (@Vasan_Bala) March 10, 2019