Modi: ప్రధానమంత్రి నరేంద్ర మోడీ రెండోసారి అధికారంలోకి వచ్చాక గత కొద్దికాలంగా చర్చల్లో నిలుస్తున్న అంశానికి ఎట్టకేలకు ఫుల్ స్టాఫ్ పెట్టేసి తన కేబినెట్లో భారీ మార్పులు చేశారు. కేంద్ర కేబినెట్ విస్తరణలో భాగంగా కొత్త 36 మందిని కేబినెట్లోకి తీసుకున్నారు. ఇప్పటికే కేబినెట్లో ఉన్న ఏడుగురికి వారి పనితీరు ఆధారంగా పదోన్నతి కల్పించారు. దీంతో మొత్తంగా 43 మంది బుధవారం సాయంత్రం ప్రమాణ స్వీకారం చేశారు. అయితే కొందరు ముఖ్యులకు పదవి ఊస్ట్ అయింది. ఇందులో ముఖ్య నేతలు సైతం ఉన్నారు. అయితే, వాళ్లంతా చేయలేని పని ఓ యువ మంత్రి చేశారంటుననారు.
Read More: Modi: అటు గవర్నర్లు…ఇటు మంత్రులు. .మోడీ లెక్క ఏంటో తెలుసా?
కేబినెట్లో పలువురి శాఖల్లో మార్పులు జరగున్నాయి.
మోడీ సర్కార్లో ప్రస్తుతం కేంద్ర మంత్రులు, సహాయ శాఖ మంత్రులుగా ఉన్న రవిశంకర్ ప్రసాద్, హర్షవర్ధన్, రమేశ్ పోక్రియాల్, ప్రకాశ్ జవదేకర్, సంతోశ్ కుమార్ గంగ్వార్, సదానంద గౌడ, థావర్ చంద్ గెహ్లాట్, సంజయ్ శ్యామ్ రావు, ప్రతాప్ చంద్ర సారంగి, దేవ శ్రీ చౌదరి, బాబుల్ సుప్రియో, సంజయ్ ధోతరే, రతన్ లాల్ కటారియా, ధన్వే పాటిల్, అశ్వినీ చౌబే వంటి వారికి మోడీ ఉద్వాసన పలికారు.
Read More: Modi: మోడీ బ్యాడ్ టైం కాకపోతే.. ఇలా నవ్వుల పాలు అవడం ఏంటి!
బాబుల్ ధైర్యం…
కేబినెట్ విస్తరణ నేపథ్యంలో కేంద్ర మంత్రి బాబుల్ సుప్రియో రాజీనామా చేశారు. దీనికి సంబంధించిన వార్తలపై ఆయన స్పందించారు. నిప్పు లేకుండా పొగ రాదని, తాను రాజీనామా చేసిన విషయం నిజమేనని ఫేస్బుక్లో పోస్ట్ చేశారు. తాను పదవి కోల్పోయినందుకు బాధగా ఉందని, మీడియా మిత్రులు చాలా మంది తనకు ఫోన్లు చేస్తున్నారని, అందరి కాల్స్ ఆన్సర్ చేయలేక ఇలా సోషల్ మీడియాలో స్పందిస్తున్నట్లు చెప్పారు. ‘‘నన్ను రాజీనామా చేయమని అడిగారు. నేను చేశాను. ఇప్పటి వరకు కేంద్ర మంత్రి వర్గంలో చోటు కల్పించి దేశానికి సేవ చేసే అవకాశం కల్పించిన ప్రధాని నరేంద్ర మోడీకి ధన్యవాదాలు. నాపై ఒక్క చిన్న అవినీతి మరక లేకుండా కేబినెట్ నుంచి బయటకు రావడం నాకు సంతోషంగా ఉంది. నన్ను ఎంపీగా గెలిపించిన అసన్సోల్ (బెంగాల్) నియోజకవర్గ ప్రజలకు థ్యాంక్స్” అని పోస్ట్ చేశారు.