అమరావతి: గుంటూరు జిల్లా చిలకూరిపేట వైసిపి ఎమ్మెల్యే విడతల రజనీకి ఊహించని ఒక బెదిరింపు వీడియో తలనొప్పిగా మారింది. ఈ నెల 15వ తేదీలోగా తనకు న్యాయం చేయకపోతే భార్య పిల్లలతో సహా గుంటూరు కలెక్టరేట్ వద్దకు వెళ్లి పెట్లోల్ పోసుకుని సూసైడ్ చేసుకుంటామంటూ చిన్న కర్ణి శామ్యూల్ అనే యువకుడు పోస్టు చేసిన వీడియా సోషల్ మీడియాలో వైరల్ అయ్యింది.
తనకు ఎస్సి కార్పోరేషన్ ట్రాన్స్పోర్టు సెక్షన్ ద్వారా కారు లోను రుణం మంజూరైందని ఎడ్లపాడు మండలం వంకాయలపాడు గ్రామానికి చెందిన చిన్నకర్ణి శామ్యూల్ తెలుపుతున్నాడు. జూలై ఎనిమిదవ తేదీన కారు డెలివరీకి అధికారులు సిద్ధం చేశారనీ, తనకు మాత్రం కారు ఇవ్వకుండా తనతో పాటు మంజూరైన లబ్దిదారులందరికీ కార్లు డెలివరీ చేశారనీ పేర్కొన్నాడు. ఎమ్మెల్యే అధికారులకు ఫోన్ చేసి ఆపించడం వల్లనే తనకు కారు ఇవ్వలేదని శామ్యూల్ ఆరోపిస్తున్నాడు. శామ్యూల్ వీడియోలో తన ఆవేదన వ్యక్తం చేస్తూ ఈ నెల 15వ తేదీలోగా ఎమ్మెల్యే రజని ఏదో ఒక న్యాయం చేయాలని లేని పక్షంలో తాను కుటుంబ సభ్యులతో సహా ఆత్మహత్య చేసుకుంటామని హెచ్చరించాడు.దీనిపై ఎమ్మెల్యే రజని ఏ విధంగా స్పందిస్తారో వేచి చూడాలి.
https://www.facebook.com/balige.mahesh/videos/2518122954909986/