జుట్టు అంటే ఎవరికి ఇష్టం ఉండదు చెప్పండి. ఆడవాళ్లకు జుట్టు పెరిగితే అందం. మగవాళ్లకు జుట్టు ఊడకుండా ఉంటే అందం. అసలు జుట్టు ఉంటేనే ఎవరికైనా అందం. ఇప్పుడు ఈ జుట్టు అందాల గోల ఎందుకంటే.. ఓ మనిషి గురించి మనం మాట్లాడుకోవాలి. ఆయన జుట్టే స్పెషల్. అదో పెద్ద కథ.. కానీ.. చిన్నగానే చెప్పుకుందాం పదండి…
అది వియత్నాంలోని డాంగ్ హోవా అనే గ్రామం. అక్కడే గుయెన్ వన్ చెన్ అనే వ్యక్తి నివసిస్తుంటాడు. పండు ముసలి. వయసు 92 ఏళ్లు. కానీ.. ఇప్పటికీ ఆ ముసలోడు కాస్త గట్టిగానే ఉన్నాడు. తన పని తాను చేసుకోగలడు. నడుస్తాడు కూడా.
ఇక ఆయన పేరు కన్నా.. పొడవైన జుట్టు ఉన్న ముసలాయన అంటేనే చాలామంది గుర్తు పడతారట. ఎందుకంటే ఆయన జుట్టు 16 ఫీట్ల పొడవవు ఉంటుంది కాబట్టి. ఆయన నడవడమే కష్టంగా ఉన్న ఈ వయసులో 16 ఫీట్ల పొడవు ఉన్న జుట్టును కూడా మోస్తూ ఉండాలి.
గుయెన్.. 10 సంవత్సరాల వయసు ఉన్నప్పుడు తన జుట్టు కట్ చేసుకుంటే చచ్చిపోతాను అని భయపడ్డాడట. అంతే.. అప్పటి నుంచి జుట్టు కట్ చేసుకుంటే ఒట్టు. అలాగే ఫిక్స్ అయ్యాడు. ఇప్పుడు వయసు 92. అంటే దాదాపు 80 ఏళ్ల నుంచి ఆ జుట్టును కత్తిరంచలేదు. అలాగే పెరుగుతూ పోయింది. చివరకు 16 అడుగులకు చేరింది.
మీకు ఇంకో విషయం తెలుసా? గుయెన్ ఆ జుట్టును 80 ఏళ్లలో ఒక్కసారి కూడా దువ్వుకోలేదట. ఒక్కసారి కూడా తల స్నానం చేయలేదట. జుట్టును కత్తిరించుకోవడమే కాదు.. దువ్వుకున్నా.. తల స్నానం చేసినా ఎక్కడ చచ్చిపోతానో అని భయపడి ఇలాంటి సాహసానికి ఒడిగట్టాడు గుయెన్.
ఇక.. ఎక్కడికైనా వెళ్లేటప్పుడు మాత్రం ఆ జుట్టును తల మీద కొప్పిలా చేసుకొని.. దాని మీద స్కార్ఫ్ పెట్టుకొని వెళ్తాడట.
అయితే తాను ఒక సామాన్యమైన వ్యక్తి. కానీ.. అతడి జుట్టు మాత్రం ఆయన్ను తెగ ఫేమస్ చేసేసింది. ఇక.. తన కొడుకు మాత్రం అప్పుడప్పుడు తండ్రి జుట్టును చిక్కుల్లేకుండా చేసి కొప్పులా తయారు చేయడానికి అప్పుడప్పుడు సాయం చేస్తుంటాడట.
వియత్నాంలో మూఢ నమ్మకాలు ఎక్కువ. జుట్టుకు, మనిషి చావుకు ఏదో సంబంధం ఉంటుందనేది వియత్నాం వాసుల నమ్మకం. దాన్నే దువా అని కూడా అంటారు. ఈ మూఢ నమ్మకాల వల్ల ప్రజలు ఎన్నో ఇబ్బందులను ఎదుర్కొంటున్నారు. అయినా కూడా వీళ్లను మార్చడం ఎవ్వరి తరం కాదు.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?