Bigg Boss 6 Telugu: తెలుగు టెలివిజన్ ప్రేక్షకులు బిగ్ బాస్(Bigg Boss) సీజన్ సిక్స్ కోసం ఆతృతగా ఉన్నారు. గత సీజన్ లకు భిన్నంగా ఓటీటీలో .. 24 గంటలు.. హౌస్ లో జరిగేది చూపించడానికి షో నిర్వాహకులు రెడీ అవటంతో.. సరికొత్తగా కాన్సెప్ట్ ఉండటంతో.. బిగ్ బాస్(Bigg Boss) ఆడియన్స్ ఆశగా ఉన్నారు. గతంలో బిగ్ బాస్ షో.. హౌస్ లో జరిగే 24 గంటలు మొత్తం ఒక ఎపిసోడ్ గా గంట మాత్రమే చూపించడం మనం చూశాం. కానీ ఈసారి 24 గంటలు ప్రసారం చేయటానికి ఓటిటి..లో దింపుతూ ఉండటంతో.. ఎంటర్టైన్మెంట్ రంగంలో సరికొత్త పోటీ వాతావరణం ఏర్పడింది.
ఇటువంటి తరుణంలో తెలుగు ఓటిటీలో తిరుగులేని క్రేజ్ సంపాదించిన ఆహా.. ఇప్పుడు బిగ్ బాస్ సీజన్ సిక్స్ కి పోటీగా సరికొత్త ఎంటర్టైన్మెంట్ ప్రోగ్రాం దింపుతున్నట్లు టాక్. విషయంలోకి వెళితే “ఆహా” ఓటిటీలో బాలయ్య బాబు(Balakrishna) తో కొత్త కాన్సెప్ట్ తో… కార్యక్రమం నిర్వహించడానికి ప్లాన్ చేస్తున్నట్లు టాక్. ఇప్పటికే బాలయ్య బాబు “ఆహ”(Aha)లో చేసిన “అన్ స్తాపబుల్”(Unstoppable) సూపర్ డూపర్ క్రేజ్ సంపాదించుకోవడం తో… బిగ్ బాస్ సీజన్ సిక్స్ ప్రారంభం అయ్యే టైంలో ఎమ్ టీవీలో “స్ప్లిట్స్ విల్లా” లాంటి కార్యక్రమం ప్లాన్ చేస్తున్నట్లు.. ఈ దెబ్బతో బిగ్ బాస్ సీజన్ సిక్స్ కి గండి పడనున్నట్లు వార్తలు వస్తున్నాయి.
ఒకవేళ ఈ ప్రోగ్రాం కన్ఫర్మ్ అయితే.. బాలయ్యబాబు యాంకరింగ్ లో మరో కోణం తీసుకురావటానికి ఆహా నిర్వాహకులు.. సరికొత్త ఆలోచన చేస్తున్నట్లు వార్తలు వస్తున్నాయి. దాదాపు బిగ్ బాస్ సీజన్ సిక్స్ పూర్తిగా మర్చిపోయే రీతిలో… “ఆహా” ఓటీటీ ఈ షోనీ చాలా ప్రతిష్టాత్మకంగా తీసుకుంటున్నట్లు సమాచారం. మరో రెండు నెలల్లో సీజన్ సిక్స్ ప్రారంభం కానుంది. దాదాపు యాభై రోజులు నిర్విరామంగా.. 24 గంటలు చూపించటానికి నిర్వాహకులు రెడీ అవుతున్నారు. దీంతో ఇప్పటికే సీజన్ సిక్స్ కి సంబంధించి కంటెస్టెంట్ లను సెలెక్ట్ చేసినట్లు వార్తలు వస్తున్నాయి. మరోపక్క “ఆహ” ఓటిటి నిర్వాహకులు కూడా బాలకృష్ణ కొత్త కార్యక్రమానికి ప్లాన్స్ వేస్తున్నారట.
