Airports Selling; ఎయిర్ పోర్టులు అమ్మేద్దాం.. కేంద్రం కీలక నిర్ణయం..!!

Airports Selling; Central Cabinet Ready to Deal..
Share

Airports Selling; దేశీయంగా అనేక రంగాలను ప్రైవేట్ పరం చేస్తున్న కేంద్రానికి ఎయిర్ పోర్టులు కూడా ఆ దిశగా అప్పగించే సమయం వచ్చేసింది.. ప్రజాప్రయోజనాలున్న కీలక రంగాల్లో కార్పొరేట్ శక్తులను ఆహ్వానిస్తూ కేంద్రం కొన్ని వివాదాస్పద నిర్ణయాలు తీసుకుంటుంది. తాజాగా ఎయిర్ పోర్టులు అమ్మకానికి కూడా కేంద్రానికి సాకులు దొరికాయి. ఏడాదిన్నరగా కరోనా నేపథ్యంలో దేశీయంగా విమానయాన రంగం తీవ్రంగా నష్టపోయింది.. ఆ నష్టాల నుంచి బయటపడేందుకు ఎయిర్‌ పోర్ట్‌ అథారిటీ ఆఫ్‌ ఇండియా(ఏఏఐ) కీలక నిర్ణయం తీసుకుంది. ఇప్పటికే కొన్ని ఎయిర్ పోర్టుల్లో కార్పొరేట్ కంపెనీలతో కలిసి నిర్వహణ వ్యవహారాలను చూస్తుంది. గత ఏడాది జనవరి నుండి కోవిడ్‌ వలన విమానయాన రంగానికి నష్టాలు రావడంతో కేంద్రం దీని నుండి తప్పుకోవాలనే యోచనలో ఉంది. ఆయా ఎయిర్‌ పోర్ట్‌లలో ఉన్న కేంద్ర వాటాలను అమ్మేందుకు సిద్ధమైంది. దీనిలో భాగంగా తొలిదశలో ఢిల్లీ, ముంబై, హైదరాబాద్‌, బెంగళూరులోని అంతర్జీతీయ విమానశ్రయాల్లోని తన వాటాల్ని అమ్మాలని నిర్ణయించింది.

Airports Selling; Central Cabinet Ready to Deal..
Airports Selling; Central Cabinet Ready to Deal..

Airports Selling; రూ. 35 వేల కోట్ల నష్టమని లెక్కలు..!

కరోనా మహమ్మారి కారణంగా ప్రయాణికుల సంఖ్య దాదాపు 80 శాతం తగ్గిందని విమానయాన శాఖ లెక్కలు వేస్తుంది. ప్రయాణికులు తగ్గిపోవడం, ఇంధన ధరలు కొండెక్కి కూర్చోవడంతో దేశీయ విమానయాన సంస్థలకు భారీ నష్టం వాటిల‍్లినట్లు లెక్కలు వేస్తున్నారు. ప్రముఖ రేటింగ్‌ ఏజెన్సీ క్రిసిల్‌ అంచనాల ప్రకారం.. ఈ ఆర్థిక సంవత్సరంలో (2021-22) రూ.9,500- రూ.10,000 కోట్ల నష్టాన్ని మిగిల్చినట్లు రిపోర్ట్‌లో పేర్కొంది. గత ఏడాది జనవరి నుండి చూసుకుంటే కేంద్రానికి దాదాపు రూ. 35 వేల కోట్ల నష్టం వచ్చినట్టు లెక్కలు వేస్తున్నారు. దీని నుండి బయటపడాలంటే అమ్మకమే మార్గమని ఈ నిర్ణయం తీసుకున్నారు. ఎయిర్‌ పోర్ట్‌ అథారిటీ ఆఫ్‌ ఇండియా ఢిల్లీ, ముంబై ఎయిర్‌ పోర్ట్‌లలో 13శాతం వాటాను, హైదరాబాద్‌ – బెంగళూరుకు చెందిన ఎయిర్‌ పోర్ట్‌లలో మరో 13శాతం వాటాను అమ్మనుంది. దీనిపై ప్రాధమిక నిర్ణయం మంత్రమే వెల్లడయింది. ఇప్పటికే తమ వాటాల్ని అమ్మేందుకు అనుమతులు ఇవ్వాలని ఏవియేషన్‌ మినిస్ట్రీ కేంద్ర కేబినెట్‌కు ప్రతిపాదనల్నిపంపింది. ఈ ప్రతిపాదనలపై కేంద్ర కేబినెట్‌ గ్రీన్‌ సిగ్నల్‌ ఇస్తే వాటాల అమ్మకం’ ప్రక్రియ ప్రారంభం కానుంది. వచ్చే నెల మొదటి వారంలో జరగనున్న కేంద్ర క్యాబినెట్ భేటీలో ఈ మేరకు కీలక నిర్ణయం తీసుకోనున్నారు.


Share

Related posts

కార్తీక దీపం సీరియల్: ఊహించని ట్విస్ట్…మోనితని చిక్కులలో పడేయనున్న అంజి!!!

Naina

Bad Cholesterol: చెడు కొలెస్ట్రాల్ ప్రాణాంతకమా.. ఈ జాగ్రత్తలు తీసుకుంటే చాలు..!!

bharani jella

మహేష్ కోసం అప్పుడే హీరోయిన్ ని ఫిక్స్ చేసేసిన త్రివిక్రమ్..??

sekhar