బిగ్ బాస్ రియాలిటీ షో 6 వారం లోకి ప్రవేశించింది. 36వ రోజు పరిస్థితి చాలా గంభీరంగా మారింది. ఇంటి సభ్యుల మధ్య నెమ్మదిగా కొన్ని కొన్ని విషయాలలో బేధాభిప్రాయాలు మొదలయ్యాయి. నామినేషన్ల ప్రక్రియలో సభ్యుల మధ్య వాదోపవాదాలు ఈ వారం కూడా గట్టిగా చోటుచేసుకున్నాయి. ఇక ఈ అనూహ్య పరిస్థితుల్లో మోనాల్ గజ్జర్ ఆరోగ్యం క్షీణించడంతో వైద్యులు ఆమెకు చికిత్స చేశారు.
పూర్తి వివరాల్లోకి వెళితే అభిజిత్ మోనాల్ ని నిలదీసిన విషయం తెలిసిందే. నాగార్జున ముందు అఖిల్ తో పాటు తనను కూడా తప్పుబట్టడం తనకు నచ్చలేదని అభిజిత్ చెప్పాడు. ఇక మన ఇద్దరి మధ్య ఎలాంటి సంబంధం లేకపోతే చాలా మంచిగా ఉంటుంది అని చెప్పాడు. అయితే నా విషయంలో నీ అభిప్రాయం ఏమిటో చెప్పమని అడిగినప్పుడు ఆమె ఆలోచించి చెబుతాను అని అనింది.
ఆ తర్వాత.. మోనాల్ గుడ్ మార్నింగ్, హాయ్ అని చెబితే ఓకేనా అని అడిగితే కొంచెం టైం ఇస్తే ఆలోచించుకుని చెపుతాను అని అభి అన్నాడు. ఇక అతనితో వాగ్వాదం జరిగిన తర్వాత మోనాల్ చాలా మనస్థాపానికి గురి అయింది. దాంతో ఆమె మానసికంగా బాగా ఆందోళన చెందినట్లు కనిపించింది. అర్ధరాత్రి ఒంటరిగా కూర్చున్న ఆమె ఆరోగ్యం క్షీణించడంతో వైద్యులు చికిత్స అందించారు.
ఆమెకి సెలైన్ ఎక్కించినట్లు బిగ్ బాస్ చెప్పారు. అలా బాగోలేని మోనాల్ కి అఖిల్ ముద్దు పెడుతూ కనిపించాడు. ఈ దెబ్బతో మోనాల్ అభిజిత్ కి దూరం అయినట్లే అని అనుకుంటున్నారు. మొదటినుండి ఆమెకు అఖిల్ అంటేనే ఇష్టం ఉన్నట్లు.. ఏదో మొహమాటానికి అభిజిత్ తో మాట్లాడుతున్నట్లు అందరూ అభిప్రాయపడుతున్నారు.