Bigg Boss 6 Telugu: స్మార్ట్ ఫోన్ లు వచ్చాక బయట ప్రపంచంలో చాలా మార్పులు వచ్చాయి. వచ్చిన మార్పులలో ఒకటి ఏమిటంటే.. చాలామంది టీవీ కంటే ఎక్కువగా స్మార్ట్ ఫోన్ కి అలవాటు పడిపోయారు. దీంతో ఎంటర్టైన్మెంట్ రంగం చాలావరకు సెల్ ఫోన్ చుట్టూనే తిరుగుతూ ఉంది. పైగా మహమ్మారి కరోనా రావటంతో.. సినిమా థియేటర్లపై ప్రభుత్వాలు ప్రపంచ వ్యాప్తంగా ఆంక్షలు విధించే పరిస్థితి ఉన్న తరుణంలో ఓటిటి బిజినెస్ కి తిరుగులేకుండా పోయింది.
ఈ దెబ్బతో చాలామంది సినిమాలను నిర్మించే వాళ్ళు ఓటిటి నీ దృష్టిలో పెట్టుకొని సినిమాలను నిర్మిస్తున్నారు. ఇక ఇదే తరుణంలో పెద్ద పెద్ద నిర్మాతలు ఓటిటీ బిజినెస్ లోకి దిగటం తెలిసిందే. ఈ తరుణంలో టాలీవుడ్(Tollywood) ఇండస్ట్రీలో టాప్ మోస్ట్ బ్యానర్ గీతా ఆర్ట్స్ అధినేత అల్లు అరవింద్ “ఆహా” ఓటిటి రంగంలో దూసుకుపోతోంది. కనీవినీ ఎరుగని రీతిలో..”ఆహా” సరికొత్త రికార్డులు సృష్టిస్తూ చాలామంది సబ్ స్క్రైబర్లు కలిగిన యాప్ గా క్రేజ్ సంపాదించుకుంది. కంటెంట్ విషయంలో ఎక్కడా రాజీ పడకుండా కొత్త కొత్త ప్రోగ్రాములు ముఖ్యంగా బాలకృష్ణ(Balakrishna) “అన్ స్తాపబుల్”(Unstoppable) చాలా ఆకట్టుకుంటూ హైలెట్ గా నిలిచింది.
ఇండస్ట్రీలోనే టాప్ మోస్ట్ సెలబ్రిటీలను బాలయ్య తనదైన శైలిలో ఇంటర్వ్యూలు చేస్తూ… తన ఎనర్జిటిక్ యాంకరింగ్ తో… మంచి ఎంటర్టైన్మెంట్ పండిస్తూ ఉన్నాడు. ఇదిలా ఉంటే అల్లు అరవింద్(Allu Aravind) తన మానస పుత్రిక “ఆహా”(AHA) ఓటీటీ లోకి టెలివిజన్ ప్రేక్షకుల ఫేవరెట్ షో బిగ్ బాస్ తీసుకొచ్చి ఆలోచన చేస్తున్నట్లు డిస్నీ హాట్ స్టార్(Disney Hot Star) షో.. “మా టీవీ”(Maa TV) యాజమాన్యంతో మంతనాలు జరుపుతున్నట్లు వార్తలు వస్తున్నాయి. ఈ క్రమంలో కొన్ని కోట్ల ఆఫర్ ఇస్తాను పూర్తిగా ఆహాకి బిగ్ బాస్ ఒటిటి సీజన్ సిక్స్.. అప్ప చెప్పేయండి అని.. బేరాలు మాట్లాడుతున్నట్లు డిస్కషన్స్ జరుగుతున్నట్లు త్వరలోనే కొలిక్కి రానున్నట్లు సమాచారం.