Athi Maduram: అతిమధురం.. పేరు లోనే తీయదనం దాగి ఉంది..!! అందుకే ఈ మూలికను ఆయుర్వేద వైద్యంలో ప్రథమంగా అభివర్ణిస్తారు.. ఈ మొక్క పేర్లు తియ్యగా ఉంటాయి.. అంతే చక్కటి ఆరోగ్య ప్రయోజనాలను చేకూరుస్తాయి.. అతిమధురం చూర్ణం ప్రతిరోజు తీసుకుంటే ఎటువంటి ఆరోగ్య ప్రయోజనాలు పొందవచ్చో ఇప్పుడు తెలుసుకుందాం..!!
Athi Maduram: అతి మధురం తో లైంగిక సమస్యలకు చెక్..!!
అతిమధురం పొడిని ఉదయం రాత్రి పూట అర టీ స్పూన్ తీసుకుంటే పేగు, ఉదర సంబంధిత సమస్యలు రాకుండా చేస్తుంది. జీర్ణక్రియను మెరుగు పరుస్తుంది. తిన్న ఆహారం త్వరగా జీర్ణమయ్యేలా చేస్తుంది. ఒక గ్లాస్ నీటిలో అతి మధురం, పిప్పళ్ళ పొడిని వేసి నానబెట్టాలి. ఈ నీటిని తాగితే దగ్గు తగ్గుతుంది. గొంతులో గరగర రాకుండా చేస్తుంది. పచ్చకామెర్లు ను అతిమధురం సమూలంగా నియంత్రిస్తుంది.
అతిమధురం అశ్వగంధ రెండింటినీ కలిపి పొడి చేసుకోవాలి. ఈ మిశ్రమాన్ని ఒక టీ స్పూన్ తీసుకొని అందులో ఒక స్పూన్ పటిక బెల్లం, నెయ్యి, తేనె కలిపి ప్రతి రోజూ రెండు సార్లు పురుషుల్లో లైంగిక సామర్థ్యం పెరుగుతుంది. అంతే కాకుండా లైంగిక కార్యం తరువాత వచ్చే నీరసం, నిస్సత్తువ, కండరాలు బిగదీసుకుపోయినట్లు ఉండే ఇబ్బందులను తగ్గిస్తుంది. సంతానోత్పత్తి సమస్యలు దరిిచేర నివ్వకుండా చేస్తుంది. ఒక స్పూన్ సోంపు గింజల చూర్ణానికి రెండు స్పూన్ల అతిమధురం పొడి, పటికబెల్లం కలిపి ఉదయం, సాయంత్రం అరకప్పు నీటిలో కలిపి తీసుకుంటే కడుపు ఉబ్బరం, దగ్గు, ఆయాసం, త్రేన్పులు తగ్గుతాయి.
ఉదయం సాయంత్రం రాత్రి ఒక గ్లాసు నీటిలో ఒక టీ స్పూన్ అతిమధురం పొడిని కలిపి తీసుకుంటే అతి దాహం, ఎక్కిళ్లు, నోటిపూత, కడుపులో మంట తగ్గిస్తుంది. ఇది శరీరానికి చలువ చేస్తుంది. బాలింతలు ఈ చూర్ణాన్ని తీసుకుంటే పాలు వృద్ధి చెందుతాయి. అతిమధురం పొడిని ముఖానికి రాసుకుంటే మొటిమలు, వాటి తాలూకు మచ్చలను పోగొట్టి ముఖాన్ని ప్రకాశవంతం చేస్తుంది.