Black Wheat: సాధారణంగా గోధుమలంటే బ్రౌన్ కలర్ వే అందరికీ తెలుసు.. గోధుమలలో నలుపు రంగు కూడా ఉంటాయని అతి కొద్దిమందికే తెలుసు.. సాధారణ గోధుమల రేటుతో పోలిస్తే వీటి రేటు నాలుగు రెట్లు అధికంగా ఉంటుంది.. ఈ పంట పండించే రైతులకు ఘనమైన లాభాలు చేకూరుతున్నాయి.. మరి ఆరోగ్య ప్రయోజనాలు ఏంటో చూద్దాం..!!
డయాబెటిక్ వారికి నల్ల గోధుమలు అద్భుతమైన వరంగా చెప్పవచ్చు. తెల్ల అన్నం కు బదులుగా నల్ల గోధుమలతో రొట్టె తయారు చేసుకుని తింటే రక్తంలో చక్కెర స్థాయిలను నియంత్రణలో ఉంచుతుంది . మధుమేహులు ప్రతిరోజు నల్ల గోధుమలను తింటే మెరుగైన ఫలితాలు కనిపిస్తాయని డయాబెటిక్ నిపుణులు చెబుతున్నారు. ఈ గోధుమలలో ఐరన్ కంటెంట్ సమృద్ధిగా లభిస్తుంది. దీంతో రక్త హీనతతో బాధపడుతున్న వారికి రక్తం వృద్ధి చెందుతుంది. గుండె ఆరోగ్యాన్ని మెరుగు పరుస్తుంది. గుండె పోటు రాకుండా చేస్తుంది. గుండె సంబంధిత సమస్యలు దరిచేరనివ్వదు.
నల్ల గోధుమలలో ఫైబర్ కంటెంట్ అధికంగా ఉంటుంది. జీర్ణక్రియను మెరుగుపరుస్తుంది. జీర్ణ సంబంధిత సమస్యలను తొలగిస్తుంది. అధిక రక్తపోటును నియంత్రిస్తుంది. ఒత్తిడి, డిప్రెషన్ వంటి మానసిక సమస్యలకు చెక్ పెడుతుంది. ఊబకాయం, అధిక బరువుతో బాధపడుతున్న వారికి నల్ల గోధుమలు బెస్ట్ ఆప్షన్ గా చెప్పవచ్చు. ప్రతి రోజు వీటిని తీసుకుంటే సమస్య నుంచి త్వరగా బయట పడేస్తుంది. నల్ల గోధుమలతో చపాతీ తయారు చేసుకుని ప్రతిరోజూ తింటే త్వరగా బరువు తగ్గుతారని పరిశోధకులు చెబుతున్నారు.