Sorrel Leaves: ఆకుకూరలు ఆరోగ్యానికి మంచిదని అందరికీ తెలిసిందే.. మామూలు ఆకు కూరలు పండించిన మాదిరిగానే సోరెల్ ఆకుకూరను పండిస్తారు.. ఈ ఆకు కూరలో ఆకులు, కాండం ను తినడానికి ఉపయోగిస్తారు. సోరెల్ ఆకుకూర లో బోలెడు పోషక విలువలు ఉన్నాయి. ఈ ఆకుకూర తింటే ఆరోగ్యానికి కలిగే లాభాలు ఏంటో చూద్దాం..!!
సోరెల్ ఆకులలో విటమిన్లు, మినరల్స్, ప్రోటీన్స్, కార్బోహైడ్రేట్స్ సమృద్ధిగా లభిస్తాయి. వీటిలో కొవ్వు పదార్థాలు తక్కువగా ఉంటుంది. క్యాలరీలు కూడా తక్కువగానే లభిస్తాయి. ప్రతి రోజు ఈ ఆకులను తీసుకోవడం వలన బరువు తగ్గుతారని పలు అధ్యయనాల్లో తేలింది. అధిక బరువు, ఊబకాయం బాధపడుతున్నవారు ఈ ఆకులను వారి డైట్లో భాగం చేసుకుంటే మెరుగైన ఫలితాలు కనిపిస్తాయి. ఈ ఆకులో విటమిన్ ఏ ఎక్కువగా ఉంటుంది. ఇది కంటిచూపును మెరుగుపరుస్తుంది. రేచీకటిని తగ్గిస్తుంది.
సోరెల్ ఆకులలో యాంటీ ఆక్సిడెంట్లు అధికంగా ఉన్నాయి. ఈ ఆకుల రసం తీసుకుంటే రోగ నిరోధక శక్తిని పెంపొందిస్తాయి. ఇవి చెడు కొలెస్ట్రాల్ నియంత్రిస్తాయి. ఫలితంగా బరువు తగ్గవచ్చు. ఈ ఆకుల రసం లో ఉండే ఫ్లేవనాయిడ్లు శరీరం లోని విష పదార్థాలను బయటకు నెట్టి వేస్తుంది. ఈ రసం తాగడం వల్ల కడుపు ఉబ్బరం సమస్య నుంచి వెంటనే ఉపశమనం లభిస్తుంది. అంతేకాకుండా మలబద్ధకం సమస్య నుంచి బయట పడేస్తుంది. ఈ ఆకుల లో ఫైబర్ కంటెంట్ అధికంగా ఉంటుంది. ఇది మధుమేహం నియంత్రిస్తుంది. జీర్ణ వ్యవస్థను మెరుగుపరుస్తుంది. జీర్ణాశయ సమస్యలు తలెత్తకుండా చేస్తుంది.
