బుల్లితెర ఎంటర్టైన్మెంట్ షో లలో తిరుగులేని మహారాణిగా వెలుగొందుతున్న యాంకర్ సుమ కనకాల. పంచ్ ల ప్రవాహం రావాలన్నా… సెటైర్లు సునామి వెల్లువెత్తాలి అన్నా…. సుమ సెట్ లో అడుగు పెట్టాల్సిందే. ఎంత మంది యువ యాంకర్లు వచ్చినా ఆమెకు ఉన్న క్రేజ్ ఏమాత్రం తగ్గలేదు. తన యాంకరింగ్ తో చిన్న, పెద్ద ముసలి, ముతక అనే తేడా లేకుండా అందరినీ కట్టిపడేసింది. మన రాష్ట్రం అమ్మాయి కాకపోయినా ఆమె మాట్లాడినంత చక్కగా స్పష్టంగా తెలుగు మరే ఇతర లేడీ యాంకర్ మాట్లాడలేరు అంటే అతిశయోక్తి కాదు.
తెలుగువారంతా ప్రేమగా సుమక్క అనే స్థాయికి ఎదిగిన ఆమె కెమెరా ముందు మేకప్ వేసుకుని ఎలా ఉంటుందో అందరికీ తెలిసిందే. అయితే సుమ ఇంట్లో ఎలా ఉంటుంది ఎలాంటి పనులు చేస్తుంది అనేది మాత్రం ఎవరికీ పెద్దగా ఐడియా లేదు. కరోనా వైరస్ విజృంభించడంతో అందరూ ఇంటిపట్టునే ఉండాల్సి వచ్చింది. దాదాపు ఐదు నెలలు సుమ కూడా ఎలాంటి షూటింగ్స్ లేక ఇంట్లోనే రెస్ట్ తీసుకుంది. ఇదే సమయంలో తాజాగా సుమ తన సోషల్ మీడియా అకౌంట్ లో ఒక వీడియోను పోస్ట్ చేసింది.
తన పెంపుడు కుక్క అయిన జోరో చక్కగా నిద్ర పోతూ ఉంటే దానిని సుమ డిస్టర్బ్ చేయడం ప్రారంభించింది. జోరో మొదటిసారి ఉలిక్కిపడిలేచింది. అయితే రెండవ సారి సుమ ఎంత కదిలించినా సరే నిద్ర లేవలేదు అలాగే పడుకొని ఉంది. చివరికి దానిని గట్టిగా కుదిపేసరికి మళ్లీ నిద్ర లేచింది. షూటింగ్ లేకపోతే నేను ఇంట్లో చేసేది ఇదే అంటూ సుమ ఆ వీడియోని షేర్ చేసింది. ఇక నెటిజన్లు ఎందుకు జోరో ని డిస్టర్బ్ చేస్తావు సుమక్క పాపం నిద్రపోనివ్వచ్చు కదా అని కామెంట్లు చేస్తున్నారు కానీ సుమ మాత్రం ప్రేమ తో కూడిన శాడిజం ను అందించి అందరికీ ఎంటర్టైన్మెంట్ పంచింది.
