Anil Ravipudi: టాలీవుడ్ సక్సెస్ఫుల్ డైరెక్టర్ అనిల్ రావిపూడి ఈనెల 13న కరోనా బారిన పడిన సంగతి తెలిసిందే.. అనిల్ రావిపూడి కరోనా నుంచి కోలుకున్నారు. తాజాగా ఈరోజు వైద్య పరీక్షలో నెగిటివ్ వచ్చిందని ట్విట్టర్ వేదికగా అనిల్ తెలిపారు..
అనిల్ కు పాజిటివ్ వచ్చినప్పుడు తనను కలిసిన వాళ్లందరినీ కూడా కరోనా టెస్టులు చేయించుకోవాలని, జాగ్రత్తలు తీసుకోవాలని వారి అందరికీ వ్యక్తిగతంగా విజ్ఞప్తి చేశానని తెలిపారు. అప్పటి నుంచి తాను ఐసోలేషన్ లోనే ఉన్నానని, వైద్యుల సలహాలను పాటించానని తెలిపారు. తాజగా ఈరోజు కోవిడ్ టెస్టులు చేయించుకోగా తనకు కరోనా నెగిటివ్ వచ్చింది అని.. ప్రస్తుతం తాను ఆరోగ్యంగా ఉన్నానని.. తను కోలుకోవాలని కోరుకున్న ప్రతి ఒక్కరికి కృతజ్ఞతలు తెలుపుకుంటున్నాను అని తెలియజేశారు. ప్రతి ఒక్కరూ కరోనా వ్యాక్సిన్ తీసుకోవాలని, వైరస్ నుంచి తమను తాము కాపాడుకోవాలని పిలుపునిచ్చారు అనిల్ రావిపూడి.