Contraceptive Pill: చాలామంది స్త్రీలు గర్భం రాకుండా ఉండేందుకు గర్భనిరోధక మాత్రలు వేసుకుంటున్నారు.. అయితే పిల్స్ వేసుకోవడం వలన జరిగే మేలు కంటే నష్టమే ఎక్కువ ఉంటుందని ఆరోగ్య నిపుణులు (Health Experts) చెబుతున్నారు.. ఈ మాత్రలు వేసుకోవడం వలన ఎటువంటి అనారోగ్య సమస్యలు (Health Problems) తలెత్తుతాయో ఇప్పుడు తెలుసుకుందాం..!!
Contraceptive Pill: ఈ మాత్రలు వేసుకుంటే ఈ క్యాన్సర్ రావచ్చు..!!
గర్భనిరోధక మాత్రలలో ఒక రకమైన సింథటిక్, ఈస్ట్రోజన్, ఎథినిల్ ఈస్ట్రడియాల్, ప్రొజెస్టరాన్ ఉంటాయి. ఇది గర్భాశయం లో అండం పెరగకుండా అడ్డుకుంటాయి. ఈ మాత్రలు ఎక్కువగా వేసుకోవటం వలన రుతు (Periods) ఆలస్యమవుతుంది. పీరియడ్స్ సమయం లో అధిక రక్తస్రావం కాకుండా చేస్తాయి. హార్మోన్ స్థాయిలలో హెచ్చుతగ్గులకు (Hermones Imbalance) గురి చేస్తుంది. వీటిని ఉపయోగించడం వలన శారీరక, మానసిక ఆరోగ్యం (Mental Health) పై ప్రభావం చూపుతుంది.
ఈ మాత్రలు ఉపయోగించడం వలన తలనొప్పి, ఒత్తిడి, వికారం కు లోనవుతున్నట్లు ఇటీవల జరిగిన అధ్యయనాల్లో తేలింది. మహిళలు గర్భ నిరోధక మాత్రలను ఎక్కువగా ఉపయోగించకూడదు. వీటిని ఎక్కువగా వేసుకోవడం వలన బరువు పెరిగే (Weight Gain) అవకాశాలు ఎక్కువగా ఉన్నాయి. అందువలన ఊబకాయం (Over Weight) సమస్యతో బాధపడుతున్నవారు ఈ మాత్రలు ఉపయోగించకపోవడం ఉత్తమం. లేకపోతే మరిన్ని ఆరోగ్య సమస్యలు చుట్టుముట్టే అవకాశం లేకపోలేదు. ఇంకా వ్యాధి నిరోధక వ్యవస్థ పై దాడి చేస్తుంది. ఫలితంగా శరీరం నెమ్మదిగా మొద్దు బారుతుంది. కండరాలు బలహీనమవుతాయి. కంటి సమస్యలు పెరుగుతాయి. నీరసం, అలసట వస్తుంది.
10 సంవత్సరాలకు పైగా గర్భనిరోధక మాత్రలు తీసుకోవడం వలన రొమ్ము క్యాన్సర్ వచ్చే ప్రమాదం 60 శాతం పెరుగుతుందని పలు పరిశోధనలు హెచ్చరిస్తున్నాయి. గర్భనిరోధక మాత్రలు గర్భాశయం కంటే ఫెలోపియన్ ను ప్రభావితం చేస్తాయి. ఇది అంతర్గత రక్తస్రావం కలిగిస్తుంది. ఇంతకు ముందు రక్తం గడ్డ కట్టినవారు (Blood Caught) వీటికి దూరంగా ఉండాలి. అధిక రక్తపోటు (BP), గుండె (Heart) సంబంధిత సమస్యల తో బాధపడుతున్న వారు కూడా వీటిని ఉపయోగించకూడదు. తెలుసుకున్నారు కదా గర్భనిరోధక మాత్రలు ఉపయోగించడం వలన ఎటువంటి అనర్థాలు జరుగుతాయి. ఇప్పటి నుంచైనా మాత్రలు వేసుకోకుండా ప్రత్యామ్నాయం గురించి ఆలోచించండి.