కరోనా వైరస్ రోజురోజుకీ పేట్రేగిపోతోంది. ఫిలిం ఇండస్ట్రీ లో అయితే విలయతాండవం చేస్తోంది. ఎన్ని జాగ్రత్తలు తీసుకున్నా.. ఎంత సామాజిక దూరం పాటించినా…. మహమ్మారి బారిన పడే వారి సంఖ్య మాత్రం ఏమాత్రం తగ్గట్లేదు. ఇప్పటికే బండ్ల గణేష్, రాజమౌళి, ఎస్పీ బాలసుబ్రమణ్యం వంటి ప్రముఖులకు ఈ వైరస్ సోకినట్లు తెలిసిందే. ఇప్పుడు టాలీవుడ్ లోని మంచి గ్లామర్ ఇమేజ్ ఉన్న ఇద్దరు సింగర్ లకు కరోనా సోకడం గమనార్హం. ఇటీవలే సింగర్ స్మిత కి కోవిడ్ సోకగా… లెజెండరీ గాయకుడు ఎస్పీ బాలసుబ్రహ్మణ్యం కూడా ఇంకా కరోనాతో ప్రాణాలతో పోరాడుతున్న విషయం తెలిసిందే.
ఇదిలా ఉండగా…. తాజాగా టాలీవుడ్ ఇండస్ట్రీకి చెందిన మరో ఇద్దరు సింగర్స్ కరోనా బారినపడడం తెలుగు రాష్ట్ర ప్రజల్లో కలకలం రేపుతోంది. ప్రముఖ సింగర్లు సునీత, మాళవికలకు ఈ వైరస్ సోకింది. తాజాగా వీరిద్దరూ ఒకే పాటల షో పాల్గొన్నారని…. ఆ సెట్లో వారికి కరోనా వైరస్ అప్పటికే సోకి ఉందని సమాచారం. అయితే ఆ ప్రోగ్రామ్ చేసిన వారితో పాటు ఇంకా చాలా మంది సిబ్బంది కూడా కరోనా బారిన పడినట్టు తెలుస్తోంది.
విషయం ఏమిటంటే సింగర్లు మాళవిక, సునీతలలో కరోనా వైరస్ లక్షణాలు పెద్దగా లేకపోవడంతో ఇద్దరూ ఇంట్లోనే ఉన్నారు. ఇలా వరుస సినీ సెలబ్రిటీల కరోనా కేసుల గురించి తెలిసి అభిమానులు, నెటిజన్లు ఆందోళన చెందుతున్నారు. గత నెల క్రితమే లాక్ డౌన్ నుంచి సడలింపులిచ్చి…. రెండు తెలుగు రాష్ట్రాలలో నిబంధనలతో కూడిన అనుమతులు ప్రభుత్వాలు జారీ చేశాయి. ఆ తర్వాత ఇండస్ట్రీలో కొన్ని సినిమాల షూటింగ్ లు కూడా ప్రారంభం అయ్యాయి ఈ నేపథ్యంలో ఒక మ్యూజిక్ షోలో పాల్గొన్న వీరిద్దరూ కరోనా బారినపడడం నిజంగా దురదృష్టకరం.
