Best Scheme: కేంద్ర ప్రభుత్వం అందిస్తున్న పథకాలలో సుకన్య సమృద్ధి యోజన ఒకటి.. ఆడపిల్లల తల్లిదండ్రులు వారి పెళ్లికి డబ్బులు దాయాలంటే తర్జనభర్జన పడుతున్నారు.. ఆడపిల్లలు ఉన్న తల్లిదండ్రులకు ఈ పథకం గొప్ప వరంగా చెప్పవచ్చు. ఈ పొదుపు పథకం గురించి పూర్తి వివరాలు ఇప్పుడు తెలుసుకుందాం..!!
సుకన్య సమృద్ధి యోజన పథకంలో చేరడం వల్ల అమ్మాయిలకు ఆర్థిక భద్రత లభిస్తుంది. వారి వివాహం, ఉన్నత చదువులకు ఈ డబ్బులు ఎంతగానో దోహదపడతాయి. ముందుగా ఈ పధకంలో చేరాలంటే దగ్గరలోని బ్యాంక్ లేదా పోస్ట్ ఆఫీస్ లో 250 రూపాయలు పెట్టి సుకన్య సమృద్ధి యోజన ఎకౌంట్ ను తెరవాలి. 10 సంవత్సరాల లోపు ఆడపిల్లలకు మాత్రమే ఈ పథకం వర్తిస్తుంది. ప్రతి సంవత్సరం కనిష్టంగా 250 నుంచి గరిష్టంగా 1.5 లక్షల వరకు జమ చేయవచ్చు.. అకౌంట్ లో ఎంత డబ్బులు తీసుకోవాలనేది మన ఇష్టం.ఈ స్కీమ్ పై 7.6 శాతం వడ్డీ లభిస్తుంది. ఈ పథకం పై ఇన్వెస్ట్ చేసిన డబ్బుపై పన్ను రాయితీ ఉంటుంది. స్కీం మెచ్యూరిటీ వ్యవధి 21 సంవత్సరాలు.
ఈ స్క్రీమ్ మొదలైన సంవత్సరం నుండి 15 సంవత్సరాల వరకు డబ్బులు డిపాజిట్ చేస్తూ వెళ్లాలి. ఆ తర్వాత డబ్బులు కట్టవలసిన పనిలేదు. 21 సంవత్సరం తర్వాత డబ్బులు తీసుకోవచ్చు. అవసరం అనుకుంటే 18 సంవత్సరాలు కూడా కొంత డబ్బును విత్డ్రా చేసుకునే అవకాశం ఉంది. ఉదాహరణకు ప్రతినెలా సుమారుగా రూ.3000 డిపాజిట్ చేస్తూ ఉంటే.. మీకు మెచ్యూరిటీ టైం కి రూ.15లక్షలు పైగా వస్తాయి. మీరు మూడు వేల కంటే ఎక్కువ ఇన్వెస్ట్ చేస్తే అంత ఎక్కువ డబ్బులు మీరు పొందవచ్చు. ఈ స్కీం ఖచ్చితంగా ఆడపిల్లల తల్లిదండ్రులకు గొప్ప వరంగా చెప్పవచ్చు.. ప్రతినెలా పొదుపు చేసుకుంటూ వెళితే పెళ్లి సమయానికి చింతే ఉండదు..
