Survey No.3: బిగ్ బాస్ 2 తో తెలుగు ప్రేక్షకులకు దగ్గరయింది భానుశ్రీ.. దీంతో వరుస సినిమా ఆఫర్లను సొంతం చేసుకుంటుంది.. భానుశ్రీ ప్రధాన పాత్రలో రూపొందుతున్న చిత్రం సర్వే నెం.3.. ఆదివారం ఈ సినిమా పూజా కార్యక్రమాలతో లాంఛనంగా ప్రారంభమైంది..
Read More: Anushka – Naveen: అనుష్క నవీన్ పోలిశెట్టి సినిమా కిర్రాక్ టైటిల్..
వాయిజ సినీ క్రియేషన్స్ పై డి రామకృష్ణ దర్శకత్వంలో ఈ చిత్రం తెరకెక్కుతోంది . మెకా హేమ సుందర్ ఈ చిత్రాన్ని నిర్మిస్తున్నారు. ఈ చిత్రంలో ఒక ప్రముఖ హీరో గెస్ట్ రోల్ లో అలరించనున్నారు. ఈ సినిమా ప్రారంభోత్సవంలో ప్రభాస్ బిల్లా సినిమా నిర్మాత డి నరేందర్, నిర్మాత బెల్లంకొండ సురేష్ హాజరై చిత్ర యూనిట్ ను ఆశీర్వదించారు. ఈ సందర్భంగా నిర్మాత మెకా హేమ సుందర్ మాట్లాడుతూ.. ఈ కథ నాకు చాలా బాగా నచ్చింది ఇది నాకు రెండో చిత్రం కరోనా పరిస్థితుల్లో అసలు సినిమాలు నిర్మించకూడదు అనుకున్నాను. అయితే ఈ కథ విన్నాక ఎంతో ఎగ్జైట్ అయ్యాను. కచ్చితంగా ఈ కథను ప్రేక్షకులకు అందించాలని అనిపించింది. అందుకే ఈ సినిమాను ప్రారంభించాము. కథకు అనుగుణంగా ఆర్టిస్టులు కూడా చక్కగా కుదిరారు అని తెలియజేశారు. ఈ చిత్రంలో రాజేష్, దిల్ రమేష్, విజయ్, రమణా రెడ్డి, ఇంతియాజ్ దాన పాత్రల్లో నటిస్తున్నారు.
