బిగ్ బాస్ నాలుగో సీజన్ వారాంతానికి చేరుకుంది. ఇక ఈ వారంలో మరో కంటెస్టెంట్ ఎలిమినేట్ అవ్వక తప్పదు. గత గేమ్ ప్రాతిపదికగా ఇంటి సభ్యులు పర్ఫామెన్స్ ఆధారంగా ప్రేక్షకులు తీర్పు వెల్లడించే సమయం ఆసన్నమైంది. తాజా ఓటింగ్ ప్రకారం ఇద్దరు కంటెస్టెంట్స్ పై కత్తి వేలాడుతున్నట్లు కనిపిస్తోంది. ఇక ఈ వారం నుండి బయటికి వెళ్తున్న సెలబ్రెటీ ఎవరంటే….
నాలుగవ వారం నామినేట్ అయిన వారిలో స్వాతి దీక్షిత్, అభిజిత్, దేత్తడి హారిక, మెహబూబ్, యాంకర్ లాస్య, సోహైల్, కుమార్ సాయి ఉన్నారు. అయితే వీరందరి లో అందరూ అనుకున్నట్టుగానే ఎక్కువ ఓట్లతో అభిజిత్ టాప్ పొజిషన్ లో ఉన్నట్లు తెలుస్తోంది. ఇక మిగతా కంటెస్టెంట్స్ విషయానికి వస్తే లాస్య స్వాతి దీక్షిత్ ఎలిమినేషన్ ను తప్పించుకునే అవకాశాలు పుష్కలంగా ఉన్నాయి.
గత వారం ఎలిమినేషన్ నుండి తృటిలో తప్పించుకున్న మెహబూబ్ మెడపై ఈసారి ఎలిమినేషన్ కత్తి వేలాడుతోంది అని అందరూ అనుకుంటున్నారు. టాస్క్ లలో బాగా పర్ఫార్మెన్స్ ఇచ్చినా కూడా అతని దురదృష్టం వల్ల ప్రతికూల పరిస్థితులు ఎదురవుతున్నాయి. కాయిన్స్ టాస్క్ లో స్విచ్ కార్డు వచ్చినా కూడా అతను పడేసుకోవడం అతనికి కచ్చితంగా ప్రమాదంగా మారుతుంది.
ఒకవేళ స్విచ్ కాయిన్ సొంతం చేసుకుని ఉంటే కెప్టెన్ అయ్యేవాడేమో…. అప్పుడు ఎలిమినేషన్ నుండి తప్పించుకునే వాడు. ఇక తాజాగా బయటకు వచ్చిన ఓట్లలో మెహబూబ్ ఎలిమినేషన్ కి చేరువగా వచ్చినట్లు తెలుస్తోంది. అతనికి పోతీ సోహైల్ అని అందరూ అనుకుంటున్నారు. అతను ఇంట్లో వాడే భాష, తీరు వివాదాస్పదం అవుతున్నాయి. పొరపాటున చివరి సమయంలో ఫలితం తారుమారు అయితే మెహబూబ్ స్థానంలో సోహైల్ బయటికి వెళ్లే అవకాశాలు కూడా ఉన్నాయి.