బిగ్బాస్ ఇంటిలో అయిదవ వారం నామినేషన్ ప్రక్రియ పెట్టిన మంట ఇంకా చల్లారలేదు. సుజాత ఎలిమినేట్ అయిపోయింది నాగార్జున చివాట్లు పెట్టాడు, ఒకరినొకరు విపరీతంగా పోట్లాడుకుంటున్నారు కానీ ఆ సెగ మాత్రం అందరినీ తాకుతూనే ఉంది. ముఖ్యంగా అభిజిత్, అఖిల్ ల మధ్య జరిగిన గొడవ సీజన్ హైలైట్స్ లో నిలుస్తుంది అనడంలో ఎలాంటి సందేహం లేదు. ఆ గొడవ వల్ల ఇంటిలో వారిద్దరూ ఒకరి మొఖం మరొకరు చూసుకో లేని విధంగా తయారయింది.
ఇక వీరిద్దరికీ నాగార్జున క్లాస్ పీకిన విషయం తెలిసిందే. అక్కడ మోనాల్ పై జాలి చూపించారు నాగార్జున. ఇద్దరిని ఒకేరకంగా మందలించాడు. ఈ క్రమంలో సోమవారం ఎపిసోడ్ లో అభిజిత్ మోనాల్ కి క్లాస్ తీసుకున్నాడు. వివరాల్లోకి వెళితే…. వారాంతంలో నాగార్జున ఈ విషయం మాట్లాడినప్పుడు అభిజిత్, అఖిల్ దగ్గర నుండి సమాధానాలు వచ్చినప్పటికీ సంతృప్తి చెందలేదు. ఒక అమ్మాయి నా పేరుని తీయకండి అని నెత్తి నోరు కొట్టుకుంటే మీరు వినిపించుకోకుండా ఆమెను ఇబ్బంది పెట్టడం సరికాదు అని అన్నారు.
నాగార్జున మోనాల్ తో మాట్లాడుతూ ఇద్దరిలో ఎవరిది తప్పు అని అడిగితే…. ఇద్దరిదీ తప్పు అని మోనాల్ చెప్పింది. ఇక మోనాల్ చెప్పిన విషయాన్ని ఆధారంగా చేసుకుని నాగార్జున వారికి స్ట్రిక్ట్ వార్నింగ్ ఇచ్చాడు. ఇక ఆరో వారం మొదట్లో అభిజిత్ మోనాల్ కు ఇదే విషయమై గట్టిగా క్లాస్ పీకాడు. నేను నామినేషన్ అయిపోయిన తర్వాత నిన్ను బెడ్ రూమ్ లో కలిసి నీకు సంజాయిషీ ఇచ్చుకున్నారు సమయంలో అఖిల్ ది తప్పు అని నాతో చెప్పావు…. కానీ నాగార్జున గారి ముందు ఇద్దరిదీ తప్పు అని ఎలా అంటావు అని నిలదీశాడు.
తనని ఎక్కడ మోనాల్ వెధవని చేసినట్లు ఫీలయ్యాడు. అప్పుడు “ఒక అమ్మాయి విషయం” అని మోనాల్ ఏదో చెప్పబోతుంటే…. నువ్వు దీనిని ఒక “స్త్రీ సమస్య”గా నిలబెట్టకు అంటూ ఆమెకు గట్టిగా వార్నింగ్ ఇచ్చాడు. నీ పైన అంత ప్రేమ ఉంటే నామినేషన్ ప్రక్రియ లో అతను నీ పేరు ఎందుకు ఎత్తాలి…? అని ప్రశ్నించాడు. నీకు నచ్చితే ఒక లాగా ఉంటావు నచ్చకపోతే మరొక లాగా ఉంటావు…. ఇద్దరినీ బ్యాలెన్స్ చేస్తావు అని గట్టిగా క్లాస్ పీకాడు.
దీంతో మోనాల్ అక్కడికక్కడే కన్నీటి పర్యంతమైంది. మొత్తానికి మొదటిసారి మొనాల్ ను ఆ ఇద్దరిలో ఒకరు బాగా నిలదీశారు అని నెటిజన్లు అనుకుంటున్నారు. ఆమె డబుల్ గేమ్ ఆడుతున్నట్లు.. కష్టం వస్తే ఏడ్చి తప్పించుకుంటున్నట్లు జనాలు అభిప్రాయపడుతున్నారు. అభిజిత్ తో ఒకటి…. నాగ్ ముందు ఒకటి చెప్పడం కరెక్టా కాది అని తెలియాలంటే ఈ రోజుటి ఎపిసోడ్ చూడాల్సిందే.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!