Fixed Deposit: ఫిక్స్డ్ డిపాజిట్స్ ఆర్బిఐ రేపోరేటుకు అనుగుణంగా అధిక వడ్డీ ఆఫర్ చేస్తున్న స్మాల్ ఫైనాన్స్ బ్యాంకుల్లో ఫిక్స్ డ్ డిపాజిట్లు చేసే విషయంలో ఆచితూచి స్పందించాలని నిపుణులు సూచిస్తున్నారు. ఫిక్స్డ్ డిపాజిట్ పెరుగుతున్న ధరలను నియంత్రించడానికి ఆర్.బి.ఐ రెపోరేట్ పెంచడంతో ప్రభుత్వ మరియు ప్రైవేటు బ్యాంకులన్నీ రుణాలతో పాటు డిపాజిట్ల పైన వడ్డీ రేట్లు పెంచేశాయి. ఇప్పుడు కొన్ని స్మాల్ ఫైనాన్స్ బ్యాంకులకు కూడా ఫిక్స్డ్ డిపాజిట్ లపై ప్రధాన బ్యాంకులతో పోటీ పడుతూ వడ్డీ రేట్లు ఆఫర్ చేస్తున్నాయి.
గరిష్టంగా 9.50% వరకు వడ్డీ ఇస్తామని ప్రకటిస్తున్నాయి. మరి స్మాల్ ఫైనాన్స్ బ్యాంకుల్లో అధిక వడ్డీ కోసం ఫిక్స్డ్ డిపాజిట్ల రూపంలో మదుపు చేయడం వల్ల మన మనీకి గ్యారెంటీ ఉంటుందా? రిటర్న్స్ మీద హామీ ఉంటుందా? అన్న సందేహాలు వస్తున్నాయి. ప్రభుత్వ రంగ మరియు ప్రైవేటు రంగ బ్యాంకులతోపాటు స్మాల్ ఫైనాన్స్ బ్యాంకులను కూడా ఆర్బిఐ నియంత్రిస్తుంది.పబ్లిక్ సెక్టార్ లేదా ప్రైవేట్ సెక్టార్ బ్యాంకుల మాదిరిగానే స్మాల్ ఫైనాన్స్ బ్యాంకులను కూడా షెడ్యూల్డ్ బ్యాంకులని వర్గీకరించింది. ఆర్బిఐ అలాగని కొంత రాబడి ఎక్కువ పొందడానికి మన డబ్బుపై పద్ధతి విషయంలో రాజీ పడొద్దు..అని ఆర్థికవేత్తలు, నిపుణులు చెబుతున్నారు.
అన్ని బ్యాంకుల మాదిరిగానే స్మాల్ ఫైనాన్స్ బ్యాంకుల్లో కూడా ఫిక్స్ డిపాజిట్లపై రూ.5 లక్షల వరకు డిపాజిట్ ఇన్సూరెన్స్ క్రెడిట్ గ్యారెంటీ కార్పొరేషన్ రూపంలో రక్షణ కవచం ఉంటుంది. వడ్డీ ఆశతో స్మాల్ ఫైనాన్స్ బ్యాంకుల్లో ఎక్కువ మొత్తం డిపాజిట్ చేయకపోవడమే మంచిదని అంటున్నారు. మీరు చేసిన ఫిక్స్డ్ డిపాజిట్లు మధ్యలో విత్డ్రా చేసుకోవచ్చా?లాక్ ఇన్ పీరియడ్ ఉంటుందా? లేదా? అన్న సంగతి చూసుకోవాలి.మెచ్యూరిటీ తేదీకి ముందే ఫిక్స్డ్ డిపాజిట్లు ఉపసంహరించుకుంటే పెనాల్టీ చార్జీలు వర్తిస్తున్నాయన్న సంగతి పరిగణలోకి తీసుకోవాలి. స్మాల్ ఫైనాన్స్ బ్యాంకుల్లో కొద్ది మొతాలు మాత్రమే ఫిక్స్డ్ డిపాజిట్లు చేయాలని సూచిస్తున్నారు.