సాధారణంగా ఇంట్లో సినిమా చూస్తున్నప్పుడు లేదా థియేటర్ కి వెళ్ళినప్పుడు సినిమా కన్నా ముందు ఒక ప్రకటన వెలువడుతుంది. ‘పొగ తాగడం ఆరోగ్యానికి హానికరం’అనే ప్రకటన విడుదల అవ్వడం ప్రతి ఒక్కరు గమనించే ఉంటారు. అయితే వీటిని ఏమాత్రం బహిరంగ ప్రదేశాల్లో కూడా ధూమపానం చేస్తూ ఉంటారు. అయితే దూమపానం చేసే వారి కన్నా, వారి పక్కన ఉండే వారికి ఇది అత్యంత ప్రమాదకరమని నిపుణులు హెచ్చరిస్తున్నారు. అంతేకాకుండా తాజా అధ్యయనాలలో సిగరెట్ కన్నా, సిగరెట్ తాగి పడేసిన పీక ఎంతో ప్రమాదకరమని తాజా పరిశోధనల్లో వెల్లడైంది.
సిగరెట్ ఎక్కువగా తాగడం వల్ల వాటి ప్రభావం నెమ్మదిగా ఊపిరితిత్తుల మీద పడుతుంది. ఫలితంగా ఊపిరితిత్తుల క్యాన్సర్ వంటి అనారోగ్య సమస్యల బారిన పడతారు అన్న విషయం తెలిసినదే. అయితే తాజాగా సిగరెట్ తాగి పడేసిన పీకలో నికోటిన్ అనే పదార్థం ఉండటం వల్ల మనం తాగి పడేసినప్పుడు దానిలో ఉండే నికోటిన్ గాలిలో కలిసి దాని ప్రభావం గాలిలో ఒక వారం వరకు ఉంటుందని అమెరికాకు చెందిన నేషనల్ ఇన్స్టిట్యూట్ ఆఫ్ స్టాండర్డ్స్ అండ్ టెక్నాలజీ శాస్త్రవేత్తలు తాజా పరిశోధనల్లో తెలిపారు.
ఈ పరిశోధనల ప్రకారం దాదాపు 15 శాతం నికోటిన్ సిగరెట్ పీకలో నిల్వ ఉండిపోవడం వల్ల మనం సిగరెట్ తాగి దానిని యాష్ ట్రే లో కానీ లేదా బహిరంగ ప్రదేశాలలో వేసినప్పుడు అందులో వుండే నికోటిన్ గాలిలో కలవడం వల్ల దీని ప్రభావం ఎక్కువగా ఉండటం వల్ల ఇది వారి మానసిక ఆరోగ్య స్థితికి కారణమవుతుందని తెలిపారు. ఇది ఎంత ప్రమాదకారి అంటే సిగరెట్ తాగే వారి కన్నా అ పొగను పీల్చే వారికి అత్యంత ప్రాణ హాని చేస్తుందని, తెలిపారు. ఈ నికోటిన్ ప్రభావం ఎక్కువగా ముసలి వారిపై, చిన్న పిల్లలపై తీవ్ర ప్రభావం చూపుతుందని, అందువల్ల సిగరెట్ తాగకపోవడం ఎంతో మంచిది. ఒకవేళ తాగిన ఆ సిగరెట్ పీకను బహిరంగ ప్రదేశంలో పడేయకుండా, ఇసుకలో పూడ్చడం వల్ల కొంతవరకు ఈ నష్టాన్ని తగ్గించవచ్చని నిపుణులు హెచ్చరిస్తున్నారు.