ప్రస్తుతం బుల్లితెర ప్రేక్షకులను ఉర్రూతలూగిస్తున్న సీరియల్ ఏదైనా ఉంటే మరో ఆలోచన లేకుండా అందరూ ‘కార్తీక దీపం’ పేరే చెబుతారు. దీనిని టెలివిజన్ బాహుబలి అని కూడా అనొచ్చు. అంత పాపులర్ అయిపోయింది ఈ సీరియల్. ఇక ఈ సీరియల్ లో వంటలక్కకి ఉన్న ఫాలోయింగ్ చూసి జనాలు ఆశ్చర్యపోతున్నారు.
వంటలక్క దెబ్బకి రికార్డులు బద్దలు అయిపోతున్నాయి.స్టార్ మా కి ఒంటి చేత్తో భారీగా రేటింగ్స్ తీసుకొస్తుంది. ఆమె జోరు తట్టుకోవడం కొత్త కొత్త సినిమాల వల్ల కూడా కావడం లేదు. అయితే 2 తెలుగు రాష్ట్రాల్లో కార్తీకదీపం సీరియల్ కు ఉన్న ఫాలోయింగ్ గురించి చెప్పాలంటే రాత్రి 7:30 అయిందంటే చాలు ఆడాళ్లంతా పనులు పక్కన పెట్టేసి మరి టీవీల ముందు కూర్చుంటారు. అదీ ప్రతి ఒక్క ఎపిసోడ్ కనీసం 18 తగ్గకుండా రేటింగ్ తీసుకొని వస్తుందంటే రేంజ్ ఏమిటో అర్థం చేసుకోవచ్చు. ఈ సీరియల్ వల్లనే మాటీవీ ఛానెల్ నే నెంబర్ వన్ పొజిషన్ లో కొనసాగుతోంది అంటే అతిశయోక్తి కాదు.
ఇలాంటి సమయంలో ఐపీఎల్ రాబోతోంది ఐపీఎల్ 13వ సీజన్ మొదటి మ్యాచ్ రాత్రి 7:30 కి మొదలవుతుంది. భారతదేశంలో ఐపీఎల్ జరిగినప్పుడు 8 గంటలకు మొదలయ్యే మ్యాచ్ లు ఇప్పుడు దుబాయ్ కి లీగ్ షిఫ్ట్ కావడంతో ఆ అరగంట ముందే మొదలు కాబోతున్నాయి. దీంతో మహిళలంతా ఎట్టిపరిస్థితుల్లో కార్తీకదీపం మిస్ కారు సీరియల్ కాబట్టి కుర్రాళ్ళు, క్రికెట్ అభిమానులు అంతా రిమోట్ కోసం పోరాటం చేయాల్సి వస్తుంది.
@SGanguly99 sir please change the timing of @IPL from 7:30pm to 8:00pm because at 7:30pm our family will watch #KarthikaDeepam and we have only one TV in my house .so please change the timings sir and avoid conflicts in my house@ChennaiIPL@StarMaa
— పవిత్రపు శివ చరణ్ | Pavithrapu Shiva Charan (@pscharan07) September 3, 2020
ఇలాంటి సమయంలో ఐపీఎల్ పెడితే ఇంట్లోని ఆడవారి చేతిలో వారి సంగతి అంతే. ఇక ఆ టైంకి బ్రహ్మదేవుడు దిగివచ్చినా ఇంట్లో ఆడాళ్ళు రిమోట్ ఇచ్చే ప్రసక్తే లేదు. కాబట్టి తాజాగా ఐపీఎల్ టైమింగ్ మార్చాలంటూ ఒక యువకుడు ఏకంగా బిసిసిఐ అధ్యక్షుడు సౌరవ్ గంగూలీ ని రిక్వెస్ చేస్తూ ట్వీట్ వేసాడు. మా ఇంట్లో ఒకటే టీ.వి ఉంది. రాత్రి 7:30 కి కార్తీకదీపం సీరియల్ వస్తుంది కాబట్టి కనికరించి ఐపీఎల్ టైమింగ్ మార్చండి సార్…. లేకపోతే మా ఇంట్లో యుద్ధమే జరుగుతుంది అని ట్విట్ చేశాడు. దీనికి ‘స్టార్ మా’ కూడా రిప్లై ఇచ్చింది.
Looks like a genuine request ?#KarthikaDeepam https://t.co/mDqYnHCzPu
— starmaa (@StarMaa) September 3, 2020