కామాంధులకు మందిరాలు, విద్యాలయాలు, పబ్లిక్ ప్లేసులు అన్న తేడా లేదు. ప్రతి చోటుని అపవిత్రం చేయడమే వారి పని. తమ కామవాంఛలను తీర్చుకునేందుకు బాలికల జీవితాలను చిదిమేస్తున్నారు. ఒక ఉద్యోగి బాధిత బాలికను నమ్మించి ఆఫీస్ కి తీసుకొని వచ్చి ఆ బాలికపై స్ప్రే కొట్టి.. కాళ్లు కట్టేసి మానభంగం చేశాడు. ఈ దారుణం మొత్తం అతను వీడియోలో రికార్డు చేశాడు. బయటికి చెబితే ఆ వీడియోలు బయటపడతాయని బెదిరించడంతో ఆ బాలిక విషయాన్ని ఎవరికీ చెప్పుకోలేకపోయింది. తీరా చూస్తే ఆ బాలికకు ఏడు నెలల గర్భం రావడంతో విషయం బయటపడింది.
తమిళనాడు రాష్ట్రం వేలూరు జిల్లా కాట్పాడి కి చెందిన ఓ ప్రాంతానికి సమీపంలోని ఓ పాలిటెక్నిక్ కళాశాలలో చదువుతున్న ఆ బాధిత బాలిక కళాశాలలో ఉండగా ఆ కళాశాలకు చెందిన ఉద్యోగి ఏదో పని ఉందని చెప్పి ఆమెను ఆఫీస్ కార్యాలయం దగ్గరకు రమ్మని ఫోన్ చేసి పిలిపించాడు. ఆమె అక్కడికి వెళ్లగా ఎవరూ కనిపించలేదు వెంటనే సదరు ఉద్యోగి ఆ బాలికపై స్ప్రే కొట్టి…. ఆమె మత్తులోనికి వెళ్ళాక అత్యాచారానికి పాల్పడ్డాడు. ఈ దుశ్చర్యను అంతా వీడియోలో బంధించాడు.
బాలిక స్పృహలోకి వచ్చేసరికి ఆమె కాళ్లు కట్టేసి ఉన్నాయి. ఒంటి పైన నూలు పోగు కూడా లేకుండా పడి ఉంది. ఈ విషయాన్ని ఇంట్లో చెప్పినా బయట ఎవరికైనా చెప్పినా చంపేస్తానని…. పైగా ఈ వీడియోతో మీ కుటుంబం పరువు రోడ్డు పాలవుతుంది అని అతను బెదిరించాడు. దీంతో భయపడిపోయిన ఆ బాలిక విషయాన్ని ఎవరికీ చెప్పలేదు. ఇక ఆ బాలిక ఈ మధ్య తరచూ అనారోగ్యానికి గురి అవుతూ ఉండడం… కడుపు కూడా కొంచెం ముందుకు రావడంతో కుటుంబీకులు వైద్యాధికారులచే పరీక్షలు చేయిస్తే వారు ఆమెకు 7వ నెల గర్భం అని తేల్చారు. దీంతో బాలిక తప్పక విషయాన్ని కుటుంబ సభ్యులకు చెప్పగా పోలీసులు ఫిర్యాదు మీద ఆ ఉద్యోగిని అదుపులోకి తీసుకున్నారు.
