Covid Antibodies: ప్రస్తుతం కరోనా వణికిస్తుంది.. ఈ మహమ్మారి వచ్చి ఏడాది దాటుతున్న ఇప్పటికీ ఈ వైరస్ పై అనేక అనుమానాలు.. అనేక ప్రశ్నలు.. ఈ వైరస్ మనిషి శరీరం లోపల ఎన్నాళ్ళు ఉంటుంది..? ఒకసారి తగ్గిన తర్వాత ఎన్ని రోజులు యాంటీబాడీస్ ఉంటాయి..? వాక్సిన్ వేసుకున్న తర్వాత యాంటీబాడీస్ ఏమవుతాయి..!? ఇలా అనేక సందేహాలు వస్తూనే ఉన్నాయి. వీటికి తోడు ఒకటి, రెండు, మూడు దఫాలుగా వేరియంట్లు కూడా వస్తున్నాయి. ఈ క్రమంలో ఓ కీలక పరిశోధన బయటకు వచ్చింది. ఒకసారి కరోనా వచ్చి తగ్గిన తర్వాత ఆ మనిషిలో యాంటీ బాడీస్ ఎన్ని నెలలు ఉంటాయో పరిశోధకులు స్పష్టంగా గుర్తించారు.
Must Read it: జబర్దస్త్ కమిడియన్ స్మగ్లింగ్ చేస్తూ దొరికారట..!?
Covid Antibodies: 8 నుండి 11 నెలలు.. కానీ..!!
ఒకసారి కరోనా వచ్చి తగ్గిన తర్వాత ఆ మనిషి శరీరంలో కనీసం 8 నుండి 11 నెలలు యాంటీ బాడీస్ ఉంటాయని సెయింట్ లూయిస్ లోని “వాషింగ్టన్ యునివేర్సిటి లోని స్కూల్ అఫ్ మెడిసిన్” విభాగం పరిశోధకులు తేల్చారు. కరోనా బారిన పడిన 77 మంది నుండి రక్త నమూనాలు, బోన్ మ్యారోలో నమూనాలు పరిశీలించిన ఈ బృందం కొన్ని కీలక అంశాలు చెప్పింది. “కరోనా వైరస్ మనిషి శరీరంలోకి ప్రవేశించిన తర్వాత మనిషిలోని రోగ నిరోధక శక్తి ఉత్పాదకాలు యాక్టీవ్ అవుతున్నాయి. Corona వైరస్ తో పోరాడే శక్తిని, యాంటీబాడీస్ ఉత్పత్తి చేస్తున్నాయి. ఇవి ఆశించినస్థాయిలో ఉన్న 99 శాతం మనుషులకు ఏమీ కావడం లేదు. ఇది మరీ బలహీనంగా ఉంటేనే కరోనా ఊపిరితిత్తుల వరకు వెళ్లి మనిషిని కృంగదీస్తుంది. కరోనా వైరస్ శరీరం లోపలే చనిపోయిన తర్వాత మనలోని యాంటీబాడీస్ కూడా కొన్ని తరిగిపోతాయి. కానీ అప్పటికే మన రోగ నిరోధక శక్తి ఉత్పత్తి చేసిన ఇంకొన్ని యాంటీ బాడీస్ బోన్ మ్యురోలోనే నిక్షిప్తమై ఉంటాయి. దాదాపు 8 నుండి 11 నెలలు ఇవి అలాగే ఉంటాయి. ఇతర ఏ వైరస్ వచ్చినా ఇవి పోరాడతాయి” అంటూ తమ శోధన ఫలితాలను చెప్పుకొచ్చారు..!
