Credit Card: ఇటీవల క్రెడిట్ కార్డుల వినియోగం బాగా పెరిగింది. గత ఎనిమిది సంవత్సరాలలో దాదాపు మూడింతలు పెరిగినట్లు ఆర్ బీ ఐ గణాంకాలు చెబుతున్నాయి. క్రెడిట్ కార్డుల ద్వారా నెలవారీ లావాదేవీలు బాగా పెరిగాయి. అయితే క్రిడెట్ కార్డులు వినియోగిస్తున్న వారు తెలివితేటలతో వాడుకుంటే మంచి ప్రయోజనాలు పొందుతారు. లేకుంటే వారికి తెలియకుండానే నష్టపోయే పరిస్థితి ఉంటుంది. క్రెడిట్ కార్డులు ఎలా ఉపయోగించుకుంటే మేలో ఇప్పుడు తెలుసుకుందాం..
Read More: SSC Notification: పదితో సెంట్రల్ గవర్నమెంట్ కొలువు..!! ఎస్ఎస్ సీ లో భారీగా ఖాళీలు..!!
ప్రతి క్రెడిట్ కార్డుకు 50 రోజుల బిల్లింగ్ సైకిల్ ఉంటుంది. అంటే మీ బిల్లింగ్ సైకిల్ లోని తొలి రోజు మీరు డబ్బు వాడుకుంటే తిరిగి చెల్లించడానికి 50 రోజుల సమయం ఉంటుంది. ఈ లోపుగా ఖర్చు చేసిన మొత్తాన్ని తిరిగి చెల్లిస్తే ఎలాంటి వడ్డీ చెల్లించాల్సిన అవసరం ఉండదు. అయితే కార్డుదారులు తమ బిల్లింగ్ సైకిల్ గడువు అయిన తరువాత సొమ్ము తిరిగి చెల్లించకపోతే ప్రతి అదనపు రోజుకు వడ్డీ చెల్లించాల్సి ఉంటుంది.
కార్డుదారులు ప్రధానంగా గమనించాల్సింది ఏమిటంటే.. క్రెడిట్ కార్డు పరిమితిలో కొంత మొత్తాన్ని నగదుగా తీసుకోవడానికి అనుమతి ఉన్నప్పటికీ ఆ సదుపాయాన్ని అత్యవసరం అయితే తప్ప వినియోగించుకోకుండా ఉండమే మంచింది. ఎందుకంటే నగదు తీసుకున్న తర్వాత రోజు నుండి దీనికి వడ్డీ ప్రారంభం అవుతుంది. దీనికి బిల్లింగ్ సైకిల్ అంటూ ఏమీ ఉండదు.
చాలా మంది క్రెడిట్ కార్డులు తీసుకునే సమయంలో ఎలాంటి చార్జీలు వర్తిస్తాయి అనేది అరా తీయరు. కంపెనీ ఏజెంట్లు చెప్పింది విని తీసుకుంటుంటారు. ప్రధానంగా ఏయే చార్జీలు ఎంత మొత్తంలో ఉంటాయి అనేది తప్పకుండా తెలుసుకోవాలి. బిల్లింగ్ సైకిల్ అయిపోయిన తరువాత పడే వడ్డీ రేటు ఎంతో చాలా మందికి తెలియదు. వీటి గురించి తెలుసుకోవాల్సిన అవసరం ఉంటుంది.