Devi Nagavalli Vishwek Sen: సినిమా ప్రమోషన్ కార్యక్రమాల కోసం రోడ్డుపై సూసైడ్ ప్రాంక్ వీడియోలు చేయటాన్ని ప్రశ్నిస్తూ యాంకర్ దేవి నాగవల్లి హీరో విశ్వక్ సేన్ న్యూస్ ఛానల్ డిబేట్ లో పదునైన ప్రశ్నలతో నిలదీయడం తెలిసిందే. ఈ క్రమంలో దేవి నాగవల్లి ప్రశ్నలకు సమాధానం చెప్పలేక హీరో విశ్వక్ సేన్… లైవ్ లోనే ఆమెపై అసభ్యకరమైన పదజాలంతో దూషించారు. ఆ వీడియో నిన్న నేడు సోషల్ మీడియా లో వైరల్ అవుతుంది. మహిళపై అందరూ చూస్తుండగానే విశ్వక్ సేన్ లైవ్ లో భూతులు తిట్టడం పట్ల మహిళా సంఘాలు వివిధ రాజకీయ పార్టీల నేతలు ఖండిస్తూ ఉన్నాయి.
ఈ క్రమంలో మీడియా సమావేశం పెట్టి విశ్వక్ సేన్ క్షమాపణలు దేవి నాగవల్లి తెలియజేశారు. ఇదిలా ఉంటే యాంకర్ దేవి నాగవల్లి మరింత దూకుడుగా ఈ విషయంపై హీరో విశ్వక్ సేన్ నీ ఇరుకున పెట్టడానికి రెడీ అయింది. దీనిలో భాగంగా మంత్రి తలసాని శ్రీనివాస్ యాదవ్ కి ఫిర్యాదు చేశారు. ఈ సమయంలో దేవి నాగవల్లితో పాటు మహిళా జర్నలిస్టు సంఘాలు కూడా విశ్వక్ సేన్ పై చర్యలు తీసుకోవాలని.. సినిమాటోగ్రఫీ శాఖ మంత్రికి సూచించారు. ఈ సందర్భంగా తలసాని ప్రభుత్వపరంగా చర్యలు తీసుకుంటామని వారికి హామీ ఇచ్చారు. అనంతరం మంత్రి తలసాని మీడియాతో మాట్లాడుతూ..సినిమా ప్రమోషన్ కార్యక్రమాలు చేసుకోవాలంటే.. కొన్ని పర్మిషన్స్ ఉంటాయి. అలా కాకుండా రోడ్డుపై ఎవరిని పడితే వారిని ఇబ్బంది పెడుతూ.. చేయటం అనేది కరెక్ట్ కాదు. పోలీసు అధికారులతో ఈ విషయంపై మాట్లాడతానని తెలియజేశారు.
ఇక రెండోది గొడవ జరిగిన స్టూడియోలో ఆ డిబేట్ చూసిన సమయంలో వాళ్ళిద్దరి సంభాషణ.. టైం లో హీరో విశ్వక్ సేన్ మాట తీరు సరిగా లేదు. అందరూ చూస్తుండగా.. మహిళా జర్నలిస్టుపై.. అటువంటి ప్రవర్తనతో మాట్లాడటం కరెక్ట్ కాదు. తప్పకుండా ఫిలిం కార్పొరేషన్ తరపున నుండి తీసుకోవాల్సిన చర్యలు.. పోలీస్ శాఖ నుండి తీసుకోవాల్సిన చర్యలు.. మొత్తం చర్చించి.. తీసుకుంటామని తెలిపారు. వివరణ ఇచ్చే సమయంలో మీడియా సమావేశంలో కూడా చాలా లైట్ గా.. హీరో విశ్వక్ సేన్ మాట్లాడటం అనేది కరెక్ట్ కాదు అని మంత్రి తలసాని పేర్కొన్నారు. కచ్చితంగా దేవి నాగవల్లి పై దూకుడుగా వ్యవహరించిన విశ్వక్ సేన్ పై సీరియస్ యాక్షన్ తీసుకుంటామని స్పష్టం చేశారు.