Breakfast: ఉదయాన్నే బ్రేక్ ఫాస్ట్ కచ్చితంగా తినాలి.. బ్రేక్ ఫాస్ట్ తినకపోతే ఆరోగ్య సమస్యలను కొని తెచ్చుకున్నట్టే.. హెల్దీ బ్రేక్ ఫాస్ట్ తింటే ఆరోగ్యానికి చాలా మంచిది.. సుమారు 8 నుంచి 12 గంటల తర్వాత తీసుకునే అల్పాహారం ఆరోగ్యంపై ప్రభావం చూపుతుంది.. బ్రేక్ ఫాస్ట్ తీసుకోవడం ఎంత ముఖ్యమో అందులో ఆరోగ్యకరమైన పదార్థాలను తీసుకోవడం కూడా అంతే ముఖ్యం..!! అయితే బ్రేక్ ఫాస్ట్ లో ఎటువంటివి తినకూడదో చూద్దాం..!!
చాలా ఆరోగ్య సమస్యలకు అరటి పండు చెక్ పెడుతుందని అందరికీ తెలిసిందే.. అయితే పరగడుపున అరటిపండు తినడం వలన అనేక ఆరోగ్య సమస్యలు వస్తాయనడంలో ఆశ్చర్యం లేదు అంటున్నారు ఆరోగ్య నిపుణులు. ఉదయం టిఫిన్ లో పెరుగు తినకపోవడమే మంచిది దీనిలోని ఆమ్లత్వం కారణంగా అసిడిటీ సమస్యలు వస్తాయి. అలాగే దగ్గు వచ్చే అవకాశాలు ఎక్కువగా ఉన్నాయి. ఉదయం అల్పాహారంలో పరోటా, బ్రెడ్ తీసుకోకూడదు. పరోటా లో నూనె శాతం అధికంగా ఉండటం వలన ఉదయం టిఫిన్ లో తీసుకుంటే ఆరోగ్య సమస్యలు ఎదురవుతాయి అలాగే బ్రెడ్ లో కార్బోహైడ్రేట్స్ అధికంగా ఉంటాయి. అందువల్ల ఉదయాన్నే బ్రెడ్ బ్రేక్ ఫాస్ట్ గా తీసుకోవడం వల్ల గ్యాస్ సమస్య వస్తుంది. అల్పాహారంలో చట్నీలు, పచ్చళ్ళు, నారింజ, నిమ్మ, సిట్రస్ పండ్లు, విటమిన్ సి పండ్లు, పుల్లని ఆహార పదార్థాలు వంటివి తినకూడదు. ఉదయాన్నే ఇవి తినడం ద్వారా గుండెల్లో మంట వేధిస్తుంది.
అలాగే ఉదయం టిఫిన్ లో టమాటాలు అసలు తినవద్దు. దీనిలో ఉండే ఆమ్లత్వం కడుపు సంబంధిత సమస్యలు కలిగిస్తుంది. అసిడిటీ, గుండెల్లో మంట, కడుపునొప్పి, గ్యాస్ సమస్యలు వస్తాయి. ఉదయం బ్రేక్ ఫాస్ట్ లో పరోటా, బ్రెడ్, టమోటాలు, పుల్లని పదార్ధాలు, పచ్చళ్ళు, పుల్లని పండ్లు, పెరుగు, అరటిపండు తీసుకోకుండా ఉంటే ఆ రోజు అంతా హెల్దీ తిన్నటే.. ఇప్పటినుంచి మీ బ్రేక్ ఫాస్ట్ లో వీటిని అస్సలు తినకండి. హెల్దీగా ఉండండి..