Sleeping: మనం తీసుకునే ఆహారమే మన ఆరోగ్యము నిర్ణయిస్తుంది అందరికీ తెలిసిందే.. ఇప్పటి తరం ఇదేమీ పట్టించుకోకుండా ఏది తినాలనిపిస్తే అది తినేసి అనారోగ్య సమస్యల బారిన పడుతున్నారు.. రాత్రి పూట డిన్నర్ లో ఇవి తినకండి.. ముఖ్యంగా నిద్రపోయే ముందు ఈ ఆహార పదార్థాల జోలికి వెళ్ళద్దంటున్నారు ఆరోగ్య నిపుణులు..!! అవేంటంటే..!?
రాత్రి నిద్ర పోయే ముందు పిజ్జా తినకూడదు. ఎందుకంటే ఇందులో చీజ్ ఎక్కువగా ఉంటుంది. దీని వలన కడుపులో నొప్పి వస్తుంది. ఇంకా గ్యాస్, అసిడిటీ, అజీర్తి సమస్యలు వస్తాయి. ఇవి మీ నిద్రకు భంగం కలిగించవచ్చు. రాత్రి నిద్ర పోయే ముందు కమలా రసం తీసుకోవడం కూడా మంచిది కాదు. రాత్రి పూట పండ్ల రసాల కంటే నేరుగా పండ్లను తినడమే మంచిది. ఇది సిట్రస్ ఫ్రూట్. దీనిని సాధ్యమైనంత వరకు ఉదయం తీసుకోవడమే మంచిది. రాత్రి భోజనంలో పుల్లటి ఆహార పదార్థాలు, పుల్లని పండ్లు తీసుకోకండి. ఇవి నిద్రకు ఆటంకం కలిగిస్తాయి.
రాత్రి పూట కాఫీ తాగకండి. ఇందులో కెఫిన్ ఎక్కువగా ఉంటుంది. కాఫీ తాగితే నిద్ర పట్టదు. పైగా కడుపులో ఇబ్బందికరంగా ఉంటుంది. మనలో చాలా మంది భోజనం చేశాక అరగడనికి సోడా తాగుతారు. అయితే రాత్రి పూట సోడా తాగకూడదు. దీని వలన స్టమక్ అప్సెట్ అవుతుంది. ఇప్పుడు చెప్పుకున్న నాలుగింటింటిని రాత్రి తీసుకోకండి. నిద్రను భంగం చేయడం తో పాటు ఉదర సంబంధిత సమస్యలు తలెత్తుతాయి.