Ecofriendly Mask: ప్రస్తుతం ప్రపంచాన్ని కరోనా వైరస్ ఎంతలా వణికిస్తుందో తేలిందే.. సెకండ్ వేవ్ లో కరోనా విశ్వరూపం చూపిస్తోంది.. కరోనా కట్టడి చేయడానికి టీకా లతో పాటు మాస్క్ లను కూడా తప్పకుండా పెట్టుకోవాలని ఇప్పటికే ఆయాదేశాలు ప్రజలను ఆదేశించాయి. అయితే ఈ మాస్క్ లను ఉపయోగించిన తర్వాత ఎక్కడ పడితే అక్కడ పడేస్తున్నారు. దీని వలన పర్యావరణానికి హాని కలుగుతోంది. ముఖ్యంగా సర్జికల్ మాస్క్ ల వల్ల ఈ సమస్య మరింత జఠిలమవుతోంది.. ఈ సమస్యకు చెక్ పెట్టాడు ఓ కుర్రోడు..
కర్నాటకు చెందిన నితిన్ వ్యాస్ ఎకో ఫ్రెండ్లీ మాస్క్ లను తయారుచేసాడు. ఈ మాస్క్ లను మీరు వాడి పారేసిన కొద్దీ రోజులకు అవి మొక్కలవుతాయి.. వినడానికి ఆశ్చర్యంగా ఉన్న ఇది మాత్రం నిజమే.. అంటున్నాడు ఈ మాస్కులను తాయారు చేసిన నితిన్.. కాటన్ క్లాత్ తో తయారు చేసిన ఈ మాస్క్ లో ఒక లేయర్ లో విత్తనాలు పెట్టాడు. కూరగాయలు, పండ్లు విత్తనాలను ఆ లేయర్ లో ఉంచాడు. ఈ ఎకో ఫ్రెండ్లీ మాస్క్ మీరు వాడేసిన తర్వాత ఇంట్లో భూమిలో పాతితే కొద్దిరోజుల్లోనే మొక్కలు వస్తాయంటున్నాడు నితిన్ వ్యాప్.. ఈ మాస్క్ ను కాటన్ తో తయారు చేసారు కాబ్బటి తడపద్దని తెలిపాడు. ఈ మాస్క్ సర్జికల్ మాస్క్ ల మెత్తగా ఉండదని సూచించాడు.. ఈ సారి మీరు మాస్క్ కొనేటప్పుడు ఈ కో ఫ్రెండ్లీ మాస్క్ ను ట్రై చేయండి.. పర్యావరణానికి మేలు చేయండి..
