Egg Packs: ప్రతి రోజు గుడ్డు తింటే ఆరోగ్యానికి మంచిదని అందరికి తెలిసిందే.. ఇందులో పోషకాలు సమృద్ధిగా లభిస్తాయి.. మరి అదే గుడ్డు తో ఫేస్ ప్యాక్ వేస్తే..!? రెట్టింపు ఫలితాలు పొందవచ్చు అంటున్నారు బ్యూటిషన్ నిపుణులు..!! ఎలాంటి ఎగ్ ప్యాక్ వేసుకుంటే ఏ ప్రయోజనాలు పొందవచ్చో చూద్దాం..!!
చిన్న వయసులోనే ముఖంపై ముడతలు పడుతున్నాయా..!? వయసు పెరిగే కొద్దీ రింకిల్స్ వస్తున్నాయా..!? మీ సమాధానం అవును అయితే.. ఈ ప్యాక్ ట్రై చేయండి..!! ముందుగా ఒక కోడిగుడ్డు ని తీసుకుని అందులో ఉన్న ఎగ్ వైట్ ను ఒక స్పూన్ తీసుకోవాలి. ఇందులో అర టీ స్పూన్ తేనె కలపాలి. ఈ ప్యాక్ ను ముఖానికి రాసుకుని పదిహేను నిమిషాల తర్వాత గోరువెచ్చని నీటితో కడిగేయాలి. ఇలా నెలలో రెండుసార్లు చేస్తే ముడతలు తగ్గి ప్రకాశవంతంగా కనిపిస్తుంది. లేదంటే ఒక స్పూన్ ఎగ్ వైట్ లో మూడు చుక్కలు ఎసెన్సియల్ ఆయిల్ ను కలిపి ముఖానికి, మెడకు రాసుకోవాలి. ఈ ప్యాక్ మీ చర్మాన్ని బిగుతుగా చేస్తుంది. ఇంకా ముఖం పై ఉన్న మడతలు, సన్నని గీతలు అన్నీ పోయి తాజాగా కనిపిస్తారు. ఈ ప్యాక్ ను అన్ని రకాల చర్మ తత్వాల వారు వేసుకోవచ్చు.
ఆయిలీ స్కిన్ తో బాధపడుతున్నారా.. అయితే ఈ ఎగ్ ప్యాక్ ట్రై చేయండి. ఒక స్పూన్ తేనె, నిమ్మరసం కలిపి రాసుకుంటే ముఖం జిడ్డు కారడం తగ్గి ప్రకాశవంతంగా కనిపిస్తుంది. ఇంకా బ్లాక్ హెడ్స్, వైట్ హెడ్స్ రాకుండా గుడ్డులోని ప్రోటీన్స్ సహాయపడతాయి.
