Moringa Oil: మీ ముఖం పై ముడతలు పోయి చర్మం యవ్వనంగా కనిపించాలని ఆశపడుతున్నారా..!? నల్లని ఒత్తైన కురులు మీ సొంతం కావాలా..!? అందం తో పాటు ఆరోగ్యంగా ఉండాలనుకుంటున్నారా..!? అయితే మీరు ఖచ్చితంగా మునగ నూనెను ఉపయోగించాల్సిందే..!!
మునక్కాయ లో ఉండే గింజలను ఎండబెట్టి వాటిని నుంచి తీసిన నూనె మునగ నూనె.. ఈ నూనెలో విటమిన్స్, మినరల్స్, ఫ్యాటి యాసిడ్స్ ఉంటాయి. ఈ నూనె అందంతో పాటు ఆరోగ్యాన్ని కూడా అందిస్తుంది. మునగ నూనెను చర్మానికి రాసుకుంటే చర్మానికి తేమను అందిస్తుంది. చర్మం పొడిబారకుండా రక్షిస్తుంది. ప్రతిరోజు ఈ నూనె రాసుకోవడం వలన చర్మం పై ఉన్న ముడతలు పోయి చర్మం కాంతివంతంగా చేస్తుంది. ఈ నూనెలో విటమిన్ సి కొల్లాజిన్ ఎక్కువగా ఉంటుంది. ఇది చర్మంపై ముడతలను తగ్గించి వృద్ధాప్య ఛాయలను తొలగిస్తుంది. ఇంకా ముఖం పై ఉండే సన్నటి గీతలను తొలగిస్తుంది. ముఖానికి ఈ నూనె రాసుకున్నా కూడా జిడ్డు గా అనిపించదు. అసలే చలికాలం చర్మంతో పాటు పెదాలు కూడా పగిలిపోతున్నాయి. ఈ నూనె రాసుకుంటే పెదాల పగుళ్లు తగ్గి మృదువుగా మారతాయి. చర్మంపై ఉండే నల్లటి మచ్చలు, మోటాలను, పిగ్మెంటేషన్ ను తగ్గిస్తుంది. మునగ నూనెను ఫేషియల్ క్లెన్సర్ గా ఉపయోగించుకోవచ్చు. ఈ నూనె రాసుకుంటే రక్తపోటును తగ్గిస్తుంది.
తలస్నానం చేసిన తరువాత జుట్టు తడిగా ఉన్నప్పుడు మునగ నూనెను జుట్టు కుదుళ్లు కు పట్టిస్తే జుట్టు ఒత్తుగా నల్లగా పెరుగుతుంది. చుండ్రు సమస్యను నివారిస్తుంది. జుట్టు చివర్లు చిట్లి పోకుండా సంరక్షిస్తుంది. జుట్టుకు సీరం గా ఈ నూనె ఉపయోగపడుతుంది. రాత్రిపూట నిద్ర పోయే ముందు ఈ నూనెను జుట్టుకి రాస్తే చక్కగా నిద్రపడుతుంది.